ሬሳ ኣቦኣ ኣብ ኤርትራ ክቕበር ንመራሕቲ ስርዓት ህግደፍ ክትልምን ካብ ዓዲ እንግሊዝ ናብ ኣስመራ ዝኸደት ጓል ናይዝጊ ክፍሉ፡ ኣብ ኣስመራ ንዝርከብ መንበሪ ገዝኡ ክሕልዉ ብኢሳይያስ ኣፈወርቂ ዝተኣዘዙ ወተሃራት ስርዓት ህግደፍ ናብቲ ገዛ ምእታው ከምዝኸልኡዋ፡ ኣብ መወዳእታ ግን መራሒ ስርዓት ግህደፍ ተሓቲቱ ሓንቲ ክፍሊ ጥራይ ክኸፍቱላ ብዝሃቦ መምርሒ መሰረት ከፊላዊ ፍቓድ ከምዝተዋህባ ድሒሩ ካብ ኣስመራ ዝበጽሓና ሓበሬታ ኣረዲኡ።

ይኹንምበር እታ ኣቦኣ ኣብ ዓዲ ክቕበር ዝገደፎ ለበዋ ከተኽብር ናብ ኣስመራ ከይዳ ዘላ ሓዘንተኛ ጓሉ ክሳብ ሕጂ ኣውንታዊ ምላሽ ኣይረኸበትን። ኢሳይያስ ኣፈወርቂ፡ ኣብ እገዳ ሬሳ ናይዝጊ ስለዝደረቐ፡ ስነስርዓት ቀብሩ ንልዕሊ 3 ሰሙን ተዳናጕዩ ቤተሰቡ ሰንፈላል ኮይኖም ኣለዉ።  

ኢሳይያስ ንሬሳ ናይ ቀረባ ዓርኩን ብደረጃ ሚኒስተርነት ካልኦት ክብ ዝበሉ መዝነታትን ንነዊሕ ዓመታት ዘገልገሎ ናይዝጊ ክፍሉ ብኸምዚ ዝኣመሰለ ዘጸይን ውርደተኛ ኣገባብ ምሓዙ፡ ‘ ምስ ምዉታን ዝከራኸር ስርዓት ደኣ ንርእሱ ህይወት የብሉን’ እናተባህለ ብብዙሓት ኣብ ወጻኢ ዝርከቡ ደገፍቲ ናይቲ ስርዓት ከይተረፈ ተኻዒቡ ከምዘሎ ተፈሊጡ ‘

ሎ

ናብ ገዛ ነፍሰ ሄር ናይዝጊ ብምኻድ ዝበጽሑን፥
መንግስቲ ናይ ቀብሩ ሓላፍነት ከም ዝስከም ዝሐበሩን   ሰበ-ስልጣን ኤርትራ

ብባህልናን እምነትናን ካብ ዓለም ብሞት ንዝተፍለየና ኣልዒልካ ምዝላፍ ወይ ምኽሳስ ግቡእ እኳ እንተዘይኮነ: ድሕሪ ሞት ኣቶ ናይዝጊ ክፍሉ: ከምቲ ቅድሚ ሞቱ ኣዝዩ ዘይንቡር ብምኻኑ: ናይ ብዙሓት ሰባት ቀልቢ ስሒቡ: ዓቢ መዛረቢ ኣርእስቲ ኮይኑ ኣሎ።
ናይዚ ኩሉ ጋዕ ገልጠም ተሓታቲ ድማ ኣብ ኤርትራ ገባርን ሓዳግን ዝኾነ ኣቶ ኢሳያስ ኣፈወርቂ እዩ። ገለ ምንጫታት ከም ዝሕብርዎ፤ ኣቶ ናይዝጊ ከምዚ ኣብ ኮምቢተር “ሳይበራዊ ኲናት” ዘጻውድዎ ስሌታዊ ነታጒ ከየጻወደ ኣይተርፍን እዩ፤ ዝብል እዩ። ገለ ገለ ሰባት ነዚ ኣቶ ናይዝጊ ክፍሉ ኣጻዊዱ ገዲፍዎ ዘሎ ጽሑፍ “ኑዛዜ ናይዝጊ” ኢሎም ብትሒምትሒም ይዛረብሉ ኣለዉ።
እቲ ዘገርም ኣቶ ኢሳያስ ብዛዕባ “ኑዛዜ ናይዝጊ” ከመይ ኣቢሉ በጽሖ። ትሕዝቶ መጽሃፈ “ኑዛዜ ናይዝጊ” ኸ እንታይ ይኸውን? ዝብል እዩ።Lekatit
It makes sense, there is something that is happening behind the curtain, And i believe it is an expose, The dictator is trying to damage the reputation of Nizghi, so if Naizgh says something, the followers will think it is a lie concocted by the family. To avenge Naizghi…

Hmmm real life drama!

ዜና ዕረፍቲ ኣቶ ናይዝጊ ክፍሉን ኢሰብኣዊ ተግባራት ኢሳያስ ኣፈወርቅን

ከምቲ ኣብ ናይ ኤርትራውያን ተቃወምቲ ማዕከናት ዜና ዝግለጽ ዘሎ ኣነውን ንናይ ሞት ዕረፍቲ ናይዝጊ ክፍሉ እታ ዝዓረፈላ ምዓልቲ ብሰኑይ 6 ለካቲት ሰሚዔ።

ሚኒስተር ወጻኢ ጉዳያት ኤርትራ ኣቶ ዑስማን ሳልሕን ናይ ሓላፊ ፓለቲካዊ ጉዳያት ህ.ግ.ደ.ፍን ኣማኻሪ ፕረዚደንት ኢሳያስ ኣፈወርቅን ኣቶ የማነ ገብረኣብን ምስ መንግስቲ እንግሊዝ ንክራኸቡ ኢሎም ኣብ ዓዲ እንግሊዝ ከተማ ለንደን ስለዝነበሩ፣ ብኣንባሳደር ኤርትራ ኣብ ዓዲ እንግሊዝን ኣየርላንድን ኣቶ ተስፍሚካኤል ገራህቱ ተዓጂቦም ንብጻዮም ነበር ኣቶ ናይዝጊ ክበጽሑ ንገዝኡ ምስከዱ በጋጣሚ ሽዑ ዓሪፍ ጸኒሑዎም፣ ከምቲ ንቡር ነቢዖም ሓዚኖም ከዱ። ብድሕሪኡ ዋላ እኳ ኣብ ከተማ ለንደን እንተጸንሑ፣ ናብ እንዳ ሓዘን ገጾም ከይተቐልቀሉ ንኤርትራ ተመልሱ።

ብሓሙስ ዕለት 9 ለካቲት ኣብ እንዳምኪኤል ናይ ተዋህዶ ቤተክርስትያን ኣብ ዝተገብረ ናይ ፍትሓት ስነስርዓት፣ ካብ ኤንባሲ ኤርትራ ንመንግስቲ ኤርትራ ወኪሉ ዝተረኽበ ሰብ ኣይነበረን። እቶም ቀንዲ ደገፍቲ መንግስቲ ኤርትራ’ውን ኣይተረኽቡን። ህይወት ታሪኽ ናይ ምውት’ውን ኣይተነበበን። እቲ ናይ ስርዓተ ቐብሪ ፍትሓት ዝገበረ ካህን ቀሺ ዮሃንስ ስብሃቱ’ውን ቀንዲ ደጋፊ መንግስቲ ኤርትራ ስለዝኾነ በቲ ዝተዓዘቦ ከይገረሞ ኣይተርፍን ኢለ ይኣምን።

ሬሳ ምውት ብቀዳም ዕለት 11 ለካቲት ንኤርትራ ከምዝኸይድ ተሓቢሩ። ድሕሪ እቲ ፍትሓት ግን ኣብ ስድራቤት ምውት ሻቕሎት ክረእይ ጀሚሩ። እቶም ናይ ምውት ሬሳ ንኤርትራ ንክኸይድ ሓላፍነት ወሲዶም ዝነበሩ ናይ ሬሳን ቀብርን ዘሳልጡ ትካል ኣብ ዓዲ እንግሊዝ ንናይ ኣቶ ናይዝጊ ክፍሉ ሬሳ ብካርጎ ንክኸይድ ዘድልዮም ፍቓድ ካብ ኤንባሲ ኤርትራ ኣብ ለንደን ክረኽቡ ኣይክኣሉን።

ብዓልቲ ቤት ናይዝጊ ክፍሉ ወ/ሮ ሓረጉ ንኣንባሳደር ተስፋሚካኤል ገራህቱ ብተደጋጋሚ ክትረኽቦ እኳ እንተፈተነት የለኹን ክምዘበለ ይንገር። ካብኡ ሓሊፋ’ውን ንኤርትራ ናብ ዝተፈላለዩ ሰበስልጣናትን ናብ ኣቶ ኢሳያስ ኣፈወርቂ ከይተረፈ ንኽትረክቦምን ንክሕግዙዋ ኢላ ደዊላ እኳ እንተነበረት ከምዘይተዓወተት ግን ተፈሊጡ። ጓሉ ንናይዝጊ ክፍሉ ማርታ ናይዝጊ ንኤንባሲ ኤርትራ ኣብ ለንደን ብኣካል ከይዳ ሬሳ ናይ ኣቡኣ ንምንታይ ንኤርትራ ከይዱ ንክቕበር ተኽልኪሉ? መንከ እዩ እቲ ከልካሊ? ኢላ ኣብ ዝሓተትሉ፣ ኣቶ ሚኪኤል ተስፋይ መምርሒ ካብ ወጻኢ ጉዳያት ኤርትራ ይጽበዩ ከምዘለው ምስነገራ፣ መንዩ እቲ ወጻኢ ጉዳያት ትብሎ ዘለኻ፣ ሚንስተር ናይ ወጻኢ ጉዳያት ኣብ ገዛና መጺኡ ሓዘን በጺሑ ከይዱ እንድዩ። እሱ ደይኮነን ሓላፊ ናይ ሚኒስትሪ ወጻኢ ጉዳያት ኢላ ከምዝመለሰትሉ ይሕበር። ብድሕሪኡ እቲ ጉዳይ ኣብ ለንደን ክፍታሕ ክምዘይክእል ምስተረድእት ‘ንባባኣ ኢሳያስ’ ባዕላ ክትረኽቦ ኢላ ንኣስመራ ከምዝኽደትን ኣብዚ እዋን’ዚ ኣብኡ ከምትርከብ ተረጋጊጹ።

ናይዝጊ ክፍሉ ኣብዝሓለፈ ዓመት ኣዝዩ ሓሚሙን ዋላ’ውን ክዛረበሉ ኣብ ዘይክእለሉ ደረጃ እኳ እንተነበረ፣ ቀቅድሚ ህይወቱ ምሕላፋ ዓይኑ ቋሕ ኣቢሉ ልሳኑ ከፊቱ “ኣይትደንጉያኒ ንዓደይ ውሰዳኒ” ኢሉ ተላብዩ እዩ ዓሪፍ።ብኡኡ ድማ እየን ሰበይቱን ደቁን ናይ መዋቲ ሬሳ ንዓዱ ክንወስዶ ኣለና ኢለን ኩሉ ዝከኣለን ዝገብራ ዘለዋ።

ኣብዚ እዋን’ዚ ናይ መዋቲ ሬሳ፣ ኣብ መቐመጢ ሬሳታት ኣብ ከተማ ለንደን እዩ ዝርከብ ዘሎ።

እዚ ከምዚ ኢሉ ከሎ ነንባቢ ክገልጾ ዝደሊ፡ ኣነ ከም ተጣባቂት ሰብኣዊ መሰላት መጠን ንናይዝጊ ክፍሉ ካብ 2005 ጀሚረ በቲ ኣብ ልዕሊ ኤርትራውያን ዘውረዶ ግፍዕታት፣ ማእሰርቲ፣ቅትለትን ስቅያትን ገለ ካብ ግዳያቱ ወኪለ ኣብ ዓዲ እንግሊዝ ኣብ ፍርዲ ንክቐርብ ክሰርሕ ጸኒሔ። እቲ ንዑዑ ኣብ ፍርዲ ንምቕራብ ዝግበር ዝነበረ መስርሕ ከደናጎይ ምስ ጀመረን ናይ ጥዕንኡ ጉዳይ’ውን ኣሻቓሊ እንዳኾነ ምስመጸን ብዕለት 2 ግንቦት 2008፣ ነቲ እሱ ዝገበሮ ግፍዕታትን ክስታትን ዘቓልዕን እቲ ጉዳይ ብፓሊስ ዓዲ እንግሊዝ ይጽናዕ ከምዘሎ ዝገልጽ ሓበሬታ ኣብ ህዝቢ ዘርጊሔ። ኣብቲ እዋን’ቲ ናይዝጊ መበል 17 ጽንብል ናጽነት ኤርትራ ምስ ኢሳያስ ኣፈወርቂ ሓቢሩ ከውዕል ብዕለት 10 ግንቦት 2008 ናብ ኤርትራ ንክኸይድ ምድላዋቱ ወዲኡ ነይሩ።

እንተኾነ ውልቀመላኺ ኢሳያስ እቲ ብዕለት 2 ግንቦት ብኣይ ዝተዘርግኸ ጽሑፍ ስለዘሰንበዶን ኣብቲ ተጌሩ ኢለ ዝገለጽኩዎ ግፍዕታት ኢድ ከምዘይብሉ ንምምሳል ንናይዝጊ ናብ ኤርትራ ገጹ ከይመጽእ፣ ብዳሬክተር ሃገራዊ ድሕነት ኤርትራ ኣቶ ኣብርሃ ካሳ ብዕለት 3 ግንቦት 2008 ኣደዊሉ “ኣብኡ ጽናሕ ከይትመጽእ” ዝብል መልእኽቲ ኣመሓላለፈ።

ካብታ ዕለት እቲኣ ኣትሒዙ ናይዝጊ ዘይተጸበዮን ዘይሓሰቦን ጥልመት ብጎይትኡ ኢሳይስ ኣብ ልዕሊኡ ክፍጸም ስለዝረኣየ፣ ብጭንቀትን ብሕርቃንን ኣብ ቅድሚ እቶም ዝቐርቦም ከስተንትን ይስማዕ ኔሩ። ኢሳያስ ኣፈወርቂ በዚ ከይተደረተ እቲ ናይዝጊ ክፍሉ ከም የማናይ ኢዱ ኮይኑ ኣብ ናይ ጥፍኣት ወፍሪ ንልዕሊ 32 ዓመት ዘገልገሎ ከም መልክዕ ሞሳን ምስጋናን እቲ ናይ ደጊያት ሓረጎት ዝቕመጡሉ ዝነበሩ ቪላ ሂብዎ ዝነበረ ኣብቲ እዋን ንብርቱ ኣብደገ ከምዝድረበይ ጌሩ ነቲ ቤት ብሓይሉ ወሰዶ። እዚ ተግባር ንናይዝጊ ክፍሉ ይኹን ንስድሩኡ ኣዝዩ ዘሕረቀ ጉዳይ ከምዝነበረን ከምዘሎን’ውን ይፍለጥ እዩ።

ናይዝጊ ክፍሉ ልክዕ ከም ህጻን ንኢሳያስ ናፊቐ ኢሉ ይበክን ይንኽነኽን ከምዘይነበረ ርክቡ ምስ ኢሳያስ ብከምዚ ዝዓይነቱ ክድዓት ምዝዛሙ ንናይዝጊ ኣዝዩ ስለዝደንጸዎን ስለዘሕረቆን ድማ እዩ ናይዝጊ ኢሳያስ ትብል ሽም ኣጥፊኡ “ፈርዖን” ዝብል ሽም ኣጠሚቑዎ ዝነበረን ከምኡ’ውን “ፈርዖን ደርብይኒ” ኢሉ ዘንጸርጽር ዝነበረ። እዚ ጭንቀት እዚ ዝፈጠሮ’ውን ክኸውን ይኽእል ጉዳይ ጥዕንኡ ካብ ጊዜ ናብ ጊዜ ከንቆልቁል ድሕሪ ምጽናሕ ንሞቱ ጠንቂ ዝኾነ።

ናይዝጊ ክፍሉ ቅድሚ ግንቦት 2008 ክብሩ ኣብ ኤንባሲ ኤርትራ ኣብ ለንደን፣ ምስ ደገፍቲ ህ.ግ.ደ.ፍ ዓዲ እንግሊዝ ይኹን ኣብቶም ላዕለዎት ሰበስልጣናት ህግደፍ ሰማይ ዝዓረገ እዩ ነይሩ። ክስታት ናይዝጊ ቃልዕ ክኸውን ኣብ ዝጀመረሉ እዋን ግና እቲ ከም ፈጣሪኡ ዝሰግደሉ ዝነበረ ኣንባሳደር ተስፋሚካኤል ገራህቱ’ውን ከይተረፈ እዩ ካብቲ ኤንባሲ ዘርሓቖን ንናይዝጊ ኣመልኪቱ ካብ ሓደ ጋዤጠኛ ወዲ ዓዲ እንግሊዝ ንዝቐረበሉ ሕቶታት’ ውን ከይሓፈረ “ናይዝጊ ዝኾነ ይኹን ርክብ ምሳና የብሉን ብዛዕባ’ዚ ውልቀሰብ’ውን ንፈልጦ ዝኾነ ነገር የልቦን ዝበለ”።

ፓሊስ ዓዲ እንግሊዝ እቲ ዝገብሩዎ ዝነበሩ መጽናዕቲ ኣጠናቒቆም ብዕለት 8 ሰነ 2009 ን16 ሰዓታት ገዝኡ ፈተሽዎ። ዝኣክል ሓበሬታ’ውን ኣከቡ። እቲ ብድሕሪኡ ዝስዕብ ስጉምቲ ምእሳር ናይዝጊ ክፍሉ እዩ ነይሩ። ግና ኣብተን 16 ሰዓታት ንገዝኡ ክፍትሹ ከለው ዝተዓዘቡዎ፣ ጥዕንኡ ኣብ ዝኸፍእ ኹነታት ወዲቑ ከምዘሎን እቲ ኣብልዕሊ ንጹሃት ኤርትራውያን ዘውረዶ በደል ይኹን እቲ መስርዕ ናይ ክሲ ኣብ ፍርዲ ቀሪቡ ክርድኦ ከምዘይክል ገሚቶም ካብ ሰለስተ ሓካይም ነጻ ዝኾነ ጸብጻብ ብዛዕባ ኩነታቱ ሓቲቶም፣ ጉዳይ ጥዕንኡ እንዳገደደ እንበር ክመሓየሽ ከምዘይክእል ኣረጋገጹ። ብድሕሪኡ ንዓይን ንምሳይ ኮይኑ ብቐረባ ዝሰርሕ ዝነበረ ጠበቓ ናይ ሪድሬስ ዝበሃል ማሕበር ሓበሩና። ከም መዕጸዊ እቲ ጉዳይ’ውን ንዓናን ነቶም ኣነ ዝወከልኩዎም ግዳያት ናይዝጊ ነቲ ውሳነኦም ብጽሑፍ ተዋሂብና። Read more

• • Comment by YAY says: [http://erigazette.org/?p=1758]

    February 28, 2012 at 12:50 am

    Dear All: Elsa Chyrum & Co. had no “strong” legal case against Naizghi Kiflu

    Elsa Chyrum, a “human rights activist” of Eritrean origin, now residing in Britain, and an NGO known as Redress tried to bring Naizghi Kiflu to a British criminal court for alleged crimes they believed Naizghi had committed in Eritrea against Eritreans. They failed. Elsa & Co. failed because, it seems, their case was primarily based on only the statements of three “main witnesses”. Their case did not pass the first legal test. It was dismissed before it was even brought to a British court of law. Here is how Leonard Vincent of Reporters Without Borders put it:

    “From police case to moral outrage

    The British police began taking a serious interest in Naizghi in 2005. Three Eritreans who were direct witnesses of the role he played in the government’s repressive apparatus were questioned at the behest of the Crown Prosecution Service’s anti-terrorist section in 2006 and 2007. Investigators visited several
    European countries to take statements from exiled Eritreans who were direct victims or witnesses of Naizghi’s activities in his long career as minister and presidential adviser. If the case had been sufficiently solid, he could have been prosecuted under article 134 of the 1988 Criminal Justice Act, which punishes
    torture regardless of the perpetrator’s nationality and where it was committed. If convicted, he could have been sentenced to life imprisonment. Although very detailed, the statements of the three main witnesses were apparently not enough to take the president’s special adviser to court. “The police told me they thought
    the case was not strong enough to go to trial, but they never agreed to write this down in black and white,” Chyrum said.The investigators in charge of the case declined to answer ReportersWithout Borders’ questions, referring us to the police press office.
    “Since we cannot make a court case out of Naizghi, we can at least turn it into a moral case, Chyrum said,“so that this man will from now on live surrounded by people who know he is a criminal.” To satisfy her desire for justice for one of Eritrea’s most feared officials, Chyrum decided to post a long report on several reputable Eritrean exile websites on 1 May detailing the various stages of her fight
    against the man who, over the years, has become her chief concern.”

    [Source: http://www.rog.at/Eritrea_2008.pdf

    But Elsa Chyrum continues to call Naizghi Kiflu “a criminal”. We have to remind our sister that human rights are essentially equal rights; and one of the basic tenets of human/equal rights is that a person is regarded innocent until proven guilty by a court of law. Elsa & Co. could not prove that Naizghi was a criminal in a court of law, and therefore, have no legal grounds to mischaracterize Naizghi Kiflu as “a criminal” just because they have got statatements (without additional evidence) from some accusers. Elsa & Co. have to desist from violating the human rights of Naizghi Kiflu’s and family’s, or anyone else’s for that matter, based on nothing but hearsay or unproven allegations. That is not protecting human rights. Doing so is immoral. If Elsa & Co. cannot prove their case in a court of law, their continued mischaracterization is nothing legitimate but a political statement. Violating the human rights of the accused in an effort to protect those of the accusers is contrary to, or at least inconsistent with, the principles of human or equal rights. Elsa & Co. are, knowingly or unknowingly, violating both principles/rights.

    ---

  • ከርሲ መሬትካን፡ ሕዝብኻን ኣይጽላእካ።

    Posted on February 27, 2012 by assenna

    ለንቅነ፡ ሓደ መሳጢ ድራማ፡ ኣብ ቅድሚ የዒንትና፡ ክፍጸም ረኣና። ኣቶ ናይዝጊ ክፍሉ [ናይ እዝጊ ምባሉኳ የሰክፍዩ፡ ናይ ኢሳያስ/ናይሳያስ  ምባሉ ይቀለል] ፈትሊ ሂወቱ ተበጣጢሳስ፡ ስግኡን ትንፋሱን ምስ ተፈልየት፡ ወያ ኣይኡ ኢሳያስ፡ ሬስኡ ኣይተርኢዩኒ፡ ኣሻፈረኝ! ክብል ረኣናዮ። ነቲ ድራማ መታን ክጥዕም ድማንስ፡ ወያ ትንፋስ ናይዝግስ፡ ኣብ ዓባይ ብሪጣንያ እያ ዝሓለፈት። ሬሳ ናይዝጊ ድማኒ፡ ኣብዘን ዝሓለፋ ሓሙሽተ ኣመታት፡ ንሱ ብሂወቱ እንከሎ ዝተንቀሳቀሰልን ንላእሊ ተንቀሳቂሱ ይኸው’ዩ። ንፌራ ዘለዎ ሬሳ ከማን፡ ከምዚ ገይርካ ኣይተከላበቶን!። ወደያ ገራህቱ፡ ዃደረ ህግደፍ ኣብ ዓባይ ብርጣንያ ድማኒ፡ ‘ኣነሰ ኣይፈለጥኩን ክሓተልኩም’የ፡’ ዝብል፡ ዘይብላዕ ናይ ጨለ ዃደረ መልሲ ንስድራ መዋቲ ከምዚሃበ ድማኒ ኣብ ማዕከናት ዜና ኣንቢብና። ኣንታ ዝድራማስ ክንደይ መመሊሱ ይምቅር’ዩ ዘብል። በቲ ሓደ ወገን ድማኒ፡ እዚኦም ደኣኒ ንሬሳ መባልዕቶም፡ መሳቲይቶምን፡መጋድልቶም ከምዚ ዝገበሩ፡ ናኻልእ’ሞ እንታይ ከምዚገብሩስ ምሕሳቡ ኣየጸግምን። እንታይ ዓይነት ስርዓት ኣብ ኤርትራ ተኾይጡ ከምዝሎ ምርኣዩስ ኣየእግምን።

    ናብቲ ድራማ ክንምለስ፡፡ እዚ ድራማ’ዚ ንብዙሓት ኣስደሚሙን ኣገሪሙን።  ኣነ ብወገነይ፡ ዘገርም የብሉን በሃላይ’የ። እቲ ምንታይሲ፡ ንሰይጣን ክትፈልጥስ ሰይጣን ዝዋዓሎን ዝገበሮን ምዕዛብ ጥራይ’ዩ ዘድልየካ። ንግብሪ ኢሳያስ ድማኒ፡  ልዕሊ ማንም ሰብ፡ ኣቶ ናይዝጊ ክፈልጣ ነይርዎ። ከምኡ ደኣ፡ ደቂ ሰባት፡ ረሳዕቲ ኮይንና ኢና እምበሪ፡ ኣቶ ናይዝጊ ክፍሉ፡ ነቲ ኢሳያስ ምስኡ ኾይኑ ኣብ ልዕሊ መንካዕን፡ የማናውያንን፡ ኢሉ ዝሰየሞም ንጹሃት ኤርትራውያንን፡ ካልኦትን ዝገበሮ ክፋእ፡ እኩል መለበሚ ክኾኖ ምተገብኣ። ምኽንያቱስ፡ ካብ መጀመርያ፡ ኣስር ኢሳያስ እንተረኣናን፡ ንሱ ዝነበሮ ዝገበሮን እንተፋሕተርናንሲ፤ ጥልመት፡ ክድዓት፡ ክፍኣት፡ ቂምታ፡ ቅንኣት ኢና ኩዒትና ንዕድን።

    ክሳብ ሕጂ፡ ንኹላትና ሕንቅል~ሕንቅሊተይ ኮይንና ዘሎስ፡ ምስቲ ኹሉ፡ ንዓሰርተታት ዓመታት፡ ዝረኣይዎ ኣካይዳ ኢሳያስ፡ ወላ እቶም ሕጂ ኣብ ጎዳጉዲ ኣስፊርዎም ዘሎ፡ [ብሂወቶም እንተለው ማለት'ዩ] ሚኒስትራትን ላዕሎዎት መራሕትንስ፡ ሓደ መዓልቲ ክግልበጦምን፡ ክስልበጣምን ምዃኑ፡ ብደምቢ ዘይተረድእዎ ምንባሮምን’ዩ። እዞም ምስኡ ተሪፎም ዘለው’ውን፡ ከምኡ። ብፍላይ ብፍላይ ድማ፡ እቶም ፍርቂ እግሮም ኣብ መቃብር ኣትዩ ዘሎዉ’ሞ፡ ናብ ዓዲ ኩልና ክከዱ፡ ሎምን ጽባሕን ዝብሉ ዘለው ዓበይቲ ሓለፍቲ ህግደፍ ። ጽባሕ ውግሕ እንከይበለስ፡ ኢሳያስ ከምቲ ንኣብራሃም ተወልደ፡ ወልደንኪኤል ሃይለ፡ ኢብራሂም ዓፋን፡ ካልኦት ኣማኢትን ዝጠለሞምስ፡ ክጠልሞም ሙኻኑ ናይ ግዜ ሕቶ ጥራይ’ዩ። እዝስ ዘይፍታሕ ግድል’ውን ኣይኮነን። ነቲ መልሲ ንምርካብስ፡ ታሪኽ ምግንጻል ጥራይዩ ዘድሊ።

    ምናልባት ሕጂ፡ እዚ ተርእዮ፡ ምኽልካል ሬሳ ናይዝጊ ክፍሉ ዓዱ ከይኣቱ፡ ኣብዚ ሙዕቡል ዘመንን፡ ሓበሬታ ከም ንፋስ ሸዊዉ፡ ናብ ኩሉ ኩርናኣት ኣለም ኣብ ዝበጽሓሉ እዋን ብሙዃኑ፡ ኩሉ ሰብ ቀልጢፉ ፈሊጡ፡ የእዳው ኣብ ኣፉ ኣንቢሩ፡ ከናፍሩ እናረምጠጠ፡ ወይ ጉድ! ይብል ኣሎ። ንኢሳያስ ግን እዚ ናይ መጀመርይኡ ኣይኮነን፡ ናይ መወዳእትኡ’ውን ኣይክኸውንን’ዩ። ብሓፈሽኡ እዚ ዜና ኣይኮነን። ሓድሽ ዝባሃል’ውን የብሉን።

    ደሓር ከኣ፡ መን ይፈልጥ፡ እዛ ከርሲ ኤርትራ፡ ኣብ ክንዲ ንሬሳ ናይዝጊ፡ ብሰላም፡ ሓቝፋ እትቅበሎስ፡ከምዚ ጌራ ፎእ ምባላስ፡  ከም ኣምሳያ ኢቲ ብህይወቱ እንከሎ፡ ክዋሃቦ ዝግባእ መቅጻዕቲ፡ ክኸውን ውን ይኽእል’ዩ። ምኽንያቱስ ሂወት ዝተፈላለየ ናታ ምስጢር ኣለዋ።

    “ኣይትበከዩ ነቲ ዝሓለፈ፡ ሕዘንሉ ነቲ ዝተረፈ፡” ክብሉ ኣቦታትና መሲሎም፡፡ ናይዝግስ እኳ ሓሊፉ፡፡ እዚ ኩሉ ከልበትበት’ውን ክንደየናይ ከይሰምዖ። ነቶም ነዚ እንዳራኣዩ፡ ግን ከኣ ሕጂ’ውን ዘንደልሕቁ፡ ኣብ ጎኒ ኣያኦም ኢሳያስ ኮይኖም፡ ንህዝቢ ሽብን ጕብን ዘእትውሉ ዘለውን፡ ጽባሕ ድማ ዕጫ ናይዝጊ እትጽበዮም ደቂ ሃገር ድኣ ሕዘኑሎም፡፡

    ናይዝጊ ስግኡን ትንፋሱን ምስ ተፈላየስ፡ ሬስኡ ሬሳ ኣረሜንስ ክንደይ እኳ ክብሪ ረኺቡ፡፡ ሬሱኡ፡ ኣብ መጽንሒ ሬሳታት ሎንዶን እኳ ብኽብሪ ተቀሚጡሎ። ኣማኢት፡ ቀያሕትን ጀጋኑን፡ ግን ደሞም ከም ደም ከልቢ፡ ኣብ ፈቀድኡ ተኻዕዩን፡ ይካዓውን ኣሎ ብሰንኪ ናይዝግን፡ ኢሳያስን፡ ካልኦት ወይጦታት ተምሳላት ናይዝጊን። ቁጽሪ ዘይብለን፡ ስድራቤታት ናይቶም ኣብ ፈቀድኡ፡ በብዝተፈላለየ እዋናት ዝተሸርቡን፡ ዝተቀትሉን ምልሙላትን፡ ጽቡቃትን ደቀን ኣማውትኦምን፡ ረሳታቶም ኣበይ ወዲቁ ከምዘሎን ስለዘይፈለጡስ፡ ክሳብ ሕጂ ስንፈላል ተሰሪሖም፡ እህህ እናበሉ ዝልለውን፡ ምስ ጽፉፋት የዒንቶም፡ ተኾርምዮም መዋእል ዝገበሩ’ውን ኣለዉኮ። ናይዝጊን ደቂ ሃዋርያቱን፡ ኣብ ፈቀዶ ጎዳጉዲን ቤት ማሕቡስን፡ ሰንድዩ ዘሕቀቆም እኮ ኣዲኦም ጥራይ’ያ ትቆጽሮም። እንተትፍቀድስ፡ ክንደይ ስድራ ኮንያ ባዲማን፡ ጸኒታን፡፡ ክንደይ ኣደ ኾንያ ውላድ ሲኢና፡፡ ክንደይ መርዓት ኮንያ ሰብኣይ ሲኢና፡፡ ክንደይ ሰብኣይ ኮንዩ በዓልቲ እንዳ ሲኢኑ፡፡ ክንደይ ቆልዑት ኮንዮም ብዘይ ኣቦን ኣደን ዘኽቲሞም ተሪፎም፡፡ ክንደይ!…ክንደይ!…እግዚሀር ጥራይዩ ዋንኡ። እሞ ነዚ ደኣ እዚ’ኳ ክውሕዶ። ንስድራ ቤት ናይዝጊ ምድንጋጽ ካልእዩ፡ ናይዝጊ ኢዱ ረኺቡ ምባል ድማኒ ካልእዩ። ህዝቢ ደኣሞ ወዮ ኩሎም ኣጋፈርቲ ህግደፍ ከምዚ ረኺቦም ርእዩ። እዚ ደኣ ደበሱ እምበር።

    ስድርኡ፡ ስግኦም ስለዝኾነ ክጉህዮ’ዮም። መሳኺን ንሳቶም’ውን እኮ ናጤባን ሕሰምን’ዮም ረኺቦም። መን ኣሎ ውሉዱን ወላዲኡን ዝመረጸ፡፡ ተዓዲሎሞ’ዮም ይዋኣዮም። ላም ሓዊ ወሊዳ….እዩ እቲ ነገር።

    ግን ከኣ ኣብ ተፈላለይ እዋናት፡ ኣባላት ቤተሰቦም ተሸሪቦሞም፡ ተኣሲሮሞም፡ ስድራቤት ኡሱራትን ጥፉኣትን፡  ክልምኑ ክመጽእዎም ከለው፡ ናይዝጊ፡ ከመይ ዝኣመሰለ መካይድቲ ሰይጣን ምንባሩስ ኣንዳዕዲኦዖም ይፈልጡ’ዮም። እቲ ንቡር ክገብሩሉ፡ መስሎምን ጉቡኦምን እካ ቶኾነ፡ ከምዚ’ዞም ስድራ ናይዝጊ ኣጋኒፍዎም ዘሎ ነገር፡ ብሰንኪ ናይዝግን ተምሳላቱን፡ ወሪድወንስ ንዓመታት  ጸይረንኦ፡ ዝኸዳ ስድራቤታት ከምዘለዋ’ውን ምዝካር’ውንኮ ከድልዩ።  ሑሉፍ ሓሊፍወን፡ ሬሳታተን ንዓዲ ከእትዋ ስለ ዝተኸልከላ፡ ኣብ ዓዲ ጓና ስለዝጎሓፍኦሞ፡ ናይ ኩሉሻእ ቃንዛ ጸይረን ዝኸዳ፡ ውሕዳት ስድራቤታት እኮ ኣይኮናን። እዚ ክብል ከለኹ፡ እዚ ንቤተሰብ ናይዝጊ፡ ኣጋኒፎዎም ዘሎ ኣደራዕ፡ ስለዝሐጎሰኒ ኣይኮነን። እቲ ስድራ ዘይኮነስ፡ ናይዝጊ ነቲ ዝግብኦ፡ በህይወቱ ወላ ተዘይረኸቦስ፡ ድሕሪ ትንፋሱ ምሕላፋ ረኺብዎ’ሎ። እዚ ነቲ ስድራ ስለዝጸለዎ ካኣ የሕዝን፡ ምክንያቱ ኣብ ሞትስ፡ መዋቲ ዝርእዮን ዝሰምኦን የልቦን። ንገባር ክፉእ ግን ጽቡቅ ክትትምነየሉስ ተፈጥሮኣዊን ንቡርን’ውን ኣይኮነን።

    እሞ ከኣ እዚ ሙኻኑስ ጽቡቅ እዩ። ምኽንያቱ ድማ፡ ነቶም ሕጂ’ ውን፡ ተግባራት ናይዝጊን ኢሳያስን፡ ዝፍጽሙ ዘለው መዳኸርቲ ህግደፍ፡ ትምህርቲ ክኸውን ስለዘለዎ’ዩ። በዓል ጽቡቅ ኢዱ ነይስእን፡ ብዓል ክፉእ’ውን ይብሉኹም። ካብዚ ዝዓቢ ትምህርቲ የልቦን፡ ንበሃማት ደገፍቲ ህግደፍ ደኣ ኾይኑ እምበር። ብዘመነ ውቤ ዝጸመመስ….ስለ ዝኾነ እቲ ነገር ግን፡ እዚ’ውን ኣይክምህሮምን’ዩ። ከርሲ መሬትካን፡ ህዝብኻን ኣይጽላእካ’ዩ። ናይዝጊ፡ መሬቱን ህዝቡን ፈንፊንዎስ፡ ሬስኡ ኣብ ፈቀድኡ ከርተት ይብል ኣሎ። መርገም ወላዲ ተዘይቀተለ የዕነኒ፡ ይብሉኹም እዚ’ዩ። ገና ካልእ’ውን ክንርእይ’ና። ንኹሉ ንምርኣይ፡ ምቅናይ! ምቅናይ! ድዩ ዝበለ ትግራዋይ።

    ካብ ዘይቀሰነ

    ---

  • ስሙ ናይዝጊ፡ ተግባሩ ዘይ ናይዝጊ!

    Posted on February 27, 2012 by assenna

    ኢሳያስ ስለምንታይ ምስ ሬሳ ናይዝጊ ክፍሉ ጥምጥም ገጢሙ ከም ዘሎ ነቶም ዝቃወሙ ዘይኮነ፡ ዝያዳ ነቶም ኣጣቓዕቲ ኢሳያስዩ ገሪሙዎም ዘሎ። ስለምንታይ እንተ በልና፡ እቶም ንኢሳያስ ፎእ! ኢሎም ዝኸዓቡዎን ዝፈንፈኑዎን ሰባት፡ ክንዮ’ዚ ሕጂ ዝገብሮ ዘሎ ሓጢኣት ዝኸይድ ገበናት ከም ዝፈጸመን ገና’ውን ክፍጽም ከም ዝኾነን ድሮ ተጋሂዱሎም’ዩ። እቶም እራይ ምራይ ይኹኑ፡ እቶም ብውልቃዊ ጥቕሚ ኣዒንቶም ዝዓወሩ ሰባት ግን ገና ኢሳያስ እንታይ ዓይነት ሰብ ከም ዝኾነ ዝፈልጡዎ ስለ ዘይብሎም፡ ወይ ድማ ኣብ ናይ ሕልሚ ዓለም ስለ ዝነብሩ ንኢሳያስ ከም በዓል ኪዳኖም ቈጺሮም ንሱ ኣብ ስልጣን እን’ተሎ ጥራይ ዝጥዕሞም እናመሰሎም ኣሚኖም ንኣማኒ ክህቡዎ ይፍትኑ ኣለዉ። ኣይትሓዞምን’ዩ። ኣነን ከምዚ ኸማይን’ውን ኣብ ዝበነ ገድሊ፡ “መን ከም ኢሳያስ፡” ኢልና ዘየድነቕናዮ ኣይኮንናን። ሎሚ ክሓስቦ ከለኹ ኣመና’ዩ ዝገርመኒ። ሽዑ ልክዕ ከምዚ ድሕሪ ነጻነት ዝግበር ዝነበረን ዘሎን፡ ኢሳያስ እንተ ዘይህሉ ገድሊ እንታይ ምወሓጦ? ንገደሉ ምጸደፈ፡” እናበሉ ዘጫፍሩ ሰባት ነይሮም። መሳኪን ሎሚ ኩላቶም የለዉን። ካብ ናይ ናዝይጊ ክፍሉ ዝገደደ ዕጫ ገጢሙዎም ከም ጠላማት፡ የማናይ ክንፊ፡ ዝምቡላት፡ ባቡር ሰውራ ዝሓደገቶም፡ ጸረ ሰውራ ተባሂሎም ተመቝሖምን ብግፍዒ ተቐንጺሎምን።

    ናብ ጕዳይ ሬሳ ንምምላስ፡ ኢሳያስ መዓስ’ዩ ምስ ናይዝጊ ክፍሉ ክቃራሓን ጀሚሩ? ናይዝጊ ክፍሉኸ እንታይ ዓይነት ሰብ ነይሩ? ናይዝጊ ከምቲ ቅድሚ ሕጂ ብተደጋጋሚ ብካልኦት ብጾት ዝተግልጸ፡ ገና ጅምር ከብል ኣትሒዙዩ ናይ ኢሳያስ ኵርኵር ብምዃን ከገልግሎ ምሒሉ። ስለ ዝኾነ፡ ምሉእ ዕድመኡ ብሰውራ ዘይኮነ ብስልጣን ናይ ኢሳያስ ምስ ሓሰበ’ዩ። ብወገነይ ብዛዕባ ናይዝጊ ብኣካል ዝፈልጦን ዝሰማዕኩዎን ከዕልለኩም።

    -       ኣብ መጀመርያ ናይ 1976 ሓንቲ ሓይሊ ኣብ ጐረይቶ ጽርግያ እናሰራሕና ከለና ኣብቲ ዝበረኸ ቦታ ምስ በጻሕና፡ ግሬደር ዘይትፍንቅሎ ከውሒ ኣጋጢሙና። ባፍራዛ ይኹን መለኪኖ ክስበረልና ስለ ዘይከኣለ ድማ ኣጕናድ ጓሪትና ኣጕድናሉ ናብ ቦታና ንኸይድ። ምሉእ ለይቲ ብሓዊ ክረስን ዝሓደረ ከውሒ ግን ብዘይካ ከም ሓጺን ጭል ምባል ዕጭ ሓንፊፉ ምፍንቃል ኣብዩና። ብዘይንሱ ግን እቲ ኣብቲ እዋንቲ ሓላፊ ዕጥቅን ስንቅን ዝነበረ ናይዝጊ ክፍሉ፡ ኮሚሽነር ክፍሊ ታዕሊም ነበር ነፍስሄር መሓሪ ግርማጼን፡ ሽኮር ይኹን ተምሪ ክህበና እንተ ሓተቶ፡ እንተ ኾነ፡ ኣሎ ዝብሃል ኣስቤዛ ይወሃቦም ተባሂሉ ከብቅዕ፡ ናይዝጊ ከም ድላዩ ክጻወተሉ ዝውዕል ዝነበረ ኣስቤዛ ኣይህብን ኢሉ ኣቕቢጹ። ንዕድልና ኣይደንጐየን ወዲ ኣፎም ብሪ ብሱዳን በቲ መኪና ክትሓልፎ ዘይትኽእል መንገዲ ብእግሩ ከተፍ በለ። ሽዑ መሓሪ ግርማጼን ብዛዕባቲ ስራሕ መግለጺ ብምሃብ ናይ ኣስቤዛ ጸገም ከም ዘለና፡ ናይዝጊ ድማ እምቢ ኢሉ ከም ዝኣበየና ሓበሮ። እታ ጥርዓን ስለ ዝተቐመት፡ ነቲ ከውሒ ድማ ብኣካል ስለ ዝረኣዮ፡ እቲ ጽርግያ ቀልጢፉ መታን ክውዳእ’ሞ ኰደድ ክብሉ ስለ ዝደለየ ግዲ ኾይኑ መዓት ሽኮር፡ ኣስቃጥላ፡ ጸባ፡ ሽጉርቲ በሽበሽ ኮይኑ። እቲ ስራሕ ኣብ ውሽጢ ሰሙናት ዓጠምጠም ክብል ከሎ ንበዝሕ ድማ ምዕጕርቲ ኣውጺእና። እዚ ሓደ መርኣያ ናይ ናይዝጊ ጭካኔ ኣብ ልዕሊ ብጾቱ’ዩ። ነቲ ስራሕ ዘይረኣዮ እንተ ዝኸውንስ ደሓን፡ ግን ብኣካል ተዓዚቡዎ ነይሩ። ነዚ እናረኣየ፡ እሞ ኸኣ ማዕረ ዝብጽሓና ንብረት፡ እሞ ኸኣ ክዕቈር ዘይክእል ምግቢ ምኽልኡ ምስ ምንታይ ይቝጸር ባዕላትኩም ፍረዱ።

    -       ኣብ ፈለማ 1977 ቀቅድሚ ውድባዊ ጉባኤ፡ ብርክት ዝበለ ሰብ ካብ ሕክምና ሓውዩ ዝመጽአ፡ ናብ ቦታኡ ዝኸይድ፡ ዝውዛዕ፡ ካብ ክፍልታት ናብ ሓይልታት ዝኸትት ወዘተ፡ ኣብታ ናይ ሽዑ እዋን መናሃርያ ናይ ሳሕል ዝነበረት ፋሕ ኮፍ ኢሉ ነይሩ። በጋጣሚ ሴሚናር ስለ ዝነበረ ድማ ናይቲ ከባቢ ሓይልታት ይኹና ክፍልታት ኣብቲ ሩባ ፋሕ ኢለን ነይረን። ናይዝጊ ክፍሉ ኣብቲ ሩባ ንበይኑ ሽጋራ በኾዅ እናበለ፡ “ብማዕዶ ንዝረኣዮም ገለ ሰባት፡ “ኣታ ወዲ ሸርሙጣ እንታይ ትገብር ኣለኻ?” ክብሎም ከሎ፡ ንገለ መን ምዃኑ ከይፈለጡ፡ “ብጻይ ሽጋራ ሃበና’ስኪ፡” ክብሉዎ ከለዉ፡ “ወዲ ተረጓቢት! ኣብ ጽላልካ እቶስኪ፡” ክብሎም ብእዝነይ ሰሚዐ። ሽዑ ተወጊአ ንኽውዛዕየ ናብ ክፍሊ ቍጠባ መጺእ ነይረ። እዚ ዝብለኩም ዘለኹ ኣፍኵስ ኣቢለዮ ኣለኹ’ምበር ንሱ ዝብሎ ካብዚ ዝገደደ ክትሰምዖ ዘጸይፍ፡ ሰብ ክኣምነካ ዘጸግም’ዩ። ነቶም ንፈልጦ ግን ኣይገርመናን’ዩ።

    -       ኣብ 1993 ምሸት ለይቲ’ዩ ኣብ ኣፍደገ ሞካምቦ። ሓንቲ መንእሰይ ብገለ ምስኡ ተዘራሪባ። “እንታይ ኢኺ’ሞ ደሊኺ? ዝ…ኪ መሲሉኪ? ተ. . . .!” ክብላ ከሎ ሰለሰተ ዝፈልጦም ብጾት ሰሚዖሞ። እንታይ ኢኻ ትገብር ዘለኻ? ተኽፍኣና ኣለኻ በጃኻ፡ ንዓስኪ ረሓቕ፡ ዝበደለቶ ነገር ኣለዋ እንተ ኾይኑ ፖሊስ ክንጽውዓላ፡” ኢሎም ገላጊሎማ። ኣብቲ ግዜቲ ይትረፍ መራሕቲ ውድብ ተጋዳላይ ዝቦኡ ኣዝዩ ክቡርን ሕፉርን ነይሩ።

    -       ኣብ ከባቢ 1994 ናይዝጊ ብውልቃዊ ጕዳዩ ናብ ዓዲዃላ ይኸደልኩም። ሽዑ ብገለ ኣመንቱ ካብ ስዑዲያ ከም ህያብ ዝተላእከትሉ ናይ 1993 ሞዴል ክረሲዳ እዩ ሒዙ ነይሩ። ካብ ዓዲዃላ ክምለስ ከሎ ኣብ ብሎኮ ሓደ ዕንጨይትን ፈሓምን ዝቈጻጸር ኣባል ክፍሊ ሕርሻ ገመድ ስሒቡ ደው የብሎ። ክፈቶ፡ ኣይከፍቶን ኮይኑ፡ ኣብ መጨረሽታ ናብ ከተማ ተመሊሱ ንፖሊስ እሰሩዎ ይብሎም። እቲ ተጋዳላይ ብዘይፈለጦ ናጤባ ምስ ተኣስረሉ ድማ ይሓልፍ። መስኪናይ ወዲ ሳልስቲ ምስ ገበረ እንታይ ዝገብርኩ ሰብየ ተኣሲረ፡ ሕጊ የለን ድዩ? ኢሉ ምስ ኣማረረን እቶም ፖሊስ ንባዕሎም ኵነታቱ ስለ ዘይተቐበሉዎን፡ ናብ ናይዝጊ ክፍሉ ደዊሎም፡ “እቲ እሰሩዎ ዝበልካና ተጋዳላይ እንታይ እዩ ገበኑ? ብምንታይ ክንምዝግቦ?” ኢሎም ይሓቱዎ። ንሱ ድማ፡ “ኣየናይ ተጋዳላይ?” ክብል ብሕቶ ይምልሰሎም። ኣነጺሮም ምስ ገለጹሉ፡ “ፍትሑዎ” ዝብል ሓጺር መልሲ ሂቡዎም።

    -       ኣብ 1996 ሰለስተ ካብ ወጻኢ ዝመጹ መንእሰያት ኣብ ሆቴል እምባሶይራ ኮፍ ኢሎም የዕልሉ ነይሮም። እቲ ሰሓቖምን ሓጐሶምን ዘይተዋሕጠሉ ናይዝጊ፡ “እንታይ ትብሉ ኣለኹም?” ኢሉ ይሓቶም’ሞ፡ መንነቱ ስለ ዘይፈለጡ፡ “እንታይ ኣእተወካ?” ብምባል ውራይ ዕላሎም ይገብሩ። በዚ ሓደ ክልተ ምስ ኮነ “ጽባሕ ሰዓት 9፡00 ናይ ንግሆ ናብ ኣጂብ ትመጹ ይብሎም። ደቂ ብዙሕ ኣይተገደሱሉን ዕላሎም ወዲኦም ሓፍ ምስ በሉ ብዛዕባቲ ጕዳይ ምስ ገለ ሰባት ምስ ኣዕለሉ፡ “ጠፊእኩም! ኣይትፈልጡዎን ዲኹም? ናይዝጊ ክፍሉ’ንድዩ!” ብምባል ክኣስሮም ምዃኑ ይሕብሩዎም። ደቂ ተቐጢኖም ሓዲሮም ንጽባሒቱ ገፈፍ እናበሉ ናብ ኣጂብ ይኸዱ። ናይዝጊ ክልተ ብቐጥታ ኣብ ትሕቲኡ ዝነበሩ ሓለፍቲ ኣዳሊዩ ብምጽናሕ፡ “ኣድላዪ መርመራ ጌርኩም ትቕፍዱዎም፡” ይብሎም። እቶም ክልተ መርመርቲ ጥዑያት ስለ ዝጸንሑን ጠባዩ ስለ ዝፈልጡዎን፡ ነቶም ደቂ ብህድኣት ይሓቱዎም። ጕዳይ ከም ዘይብሎም ምስ ፈለጡ፡ “እዞም ሰባት ዝኾነ ገበን ኣይረኸብናሎምን፡ ስለዚ ክንሰዶም ኢና፡” ይብሉዎ። ድሕሪ ክንደይ ክትዕ ከይፈተወ “ሕራይ በሉ ናባይ ስደዱዎም” ይብሎም። እቶም ደቂ እናፈርሑ ናብ ቤትጽሕፈቱ ምስ ኣተዉ፡ “ትማሊ ደኣ እንታይ ኣደኽን ኢኽን ትብላ ኔርክን፡ ኣንትን ደቂ ሸርሙጣ?” ይብሎም። ንሳቶም ድማ “ሳክት ነዕልል ኔርና፡” ምስ በሉዎ። “በቃ ኣብ እምባሶይራ ኮፍ ኢልክን ናይ መሸኒ ገለ ተዕልላ! ኪዳ ከይትደግማ ድሕሪ ሕጂ፡” ኢሉ ኣፋንዩዎም። ስላቶም ጥዑያት ደቂ ብሰላም ተፋንዮም’ምበር፡ መሃነኖም ክሳብ ዝተፍኦም ምሰሓኑዋ ነይሮም።

    -       ኣብ 1995 እዞም ነቶም ደቂ ዝመርመሩ ክልተ ኣባላት ጸጥታ፡ ብገለ ገለ ምስ ተመላለሱ፡ ብቦክስ ሓመድ ገይሮሞ። እቲ ነገር ናቱ በደል ግዲ ነይሩ ካብ መዓስከር ንወርሒ ኣይትውጽኡ ጥራይ ተባሂሎም። ነቲ ጕዳይ ግን ኵሉ ሰብ ሰሚዑዎ። ገለ ሰባት ሕማቕ ጸርፊ ስለ ዝጸረፎም ዘይርሳዕ ትምህርቲ ክህቡዎ ደልዮም ይብሉ።

    -       ኣብ 1996 ምስ ኣቶ ዓብዱ ዩኑስ ኣብ ባር ኡሁሩ ኮፍ ኢሎም ቢራ እናሰተዩ ከለዉ፡ ምስ ነፍስሄር ትርሓስ ዋና ባር ሓደን ክልተን ይበሃሃሉ። ብዘይንሱ ንሳ ዝግድሳ ሰብ ኣይኮነትን ነይራ። ንሱ ስለ ዘይተቐባተረትሉ ጥራይ፡ “ክኣስረኪ እየ፡” ይብላ፡ “ንሳ ድማ ኣበይ ዘለኻ ኢኻ ደኣ ንስኻ ከምኡ ትብል፡ እቶም ጀጋኑስ’ባ ከምኡ ኣይብሉን’ዮም፡ ኣብ ባር ኣቲኻ ውራይ ቢራኻ ጌርካ ኪድ!” በለቶ ብድፍረት። ዘረባ ኣይቀጸለን ትም ኢሉ። ካብቲ ገዛ ምስ ወጹ ነቶም ኣብ ማዕዶኣ ዝነበርና ሰባት፡ “ጥዑይ ድዩ እዚ ሰብኣይ?” በለትና። ንሕና ድማ፡ “ኣይትፈልጥዮን ዲኺ? ናይዝጊ ክፍሉ’ንድዩ?” ምስ በልናያ፡ “እዝስ ናይ ሰይጣን’ምበር ናይዝጊ ኣይኮነን፡” ኢላ መለሰት። ከም ዘይትፈልጦ ተረዲኡና፡ “ሚኒስተር ጸጥታ’ዩ ክኣስረኪ’ዩ፡” በልናያ። ንሳ ግን ብውሽጣ ፈሪሓ እንተ ኾይናምበር ብደገስ ኣይዓጀባን፡ “ኪድ! ኣበይ ዘሎ’ዩ ደኣ ዝኣስረኒ? ሰብ ምእሳር ከም ድላይካ ድዩ ኾይኑ?” ኢላ ኣስሒቓትና።

    -       እዚ ንመንነቱን ባህሪኡን ዝገልጽ ነገራትምበር ነቲ ቀንዲ ተግባራቱን ጭካኔኡን ዘብርህ ኣይኮነን። ኣብ መጨረሽታ፡ ማለት ቅድሚ ናብ ዓዲንግሊዝ ምምጽኡ ግን ንመሓመድ ሓጐስ ዋና እንዳ ኦሞ ዝነበረ ሰብ ለኪሙዎ ጠፊኡ። ምስ መሓመድ ሓጐስ ብገለ ነገር ምስ ተቐራረቡ ገለ ከቢድ ምስጢር ኣካፊሉዎ። ፍሉያት ኣባላት ጸጥታ ኢሳያስ ስለ ዝፈለጡ ድማ መሓመድ ሓጐስ ኣብ ሓንቲ መኪና ተጨውዩ ድሕሪ ምኻድ ኣብ መንገዲ ባጽዕ ኣጽዲፎሞ። ንጽባሒቱ ሬሳኡ ገለ ሰባት ምስ ረኸቡዎ ናብ ባጽዕ እናወረደ ጸዲፉ ተባሂሉ። ግንከ፡ ኣብ ርእሱ ማህረምቲ ጸኒሑዎ፡ ሽዑ ምሽት ምስ ኣቦኡ ኣብ ገዛ ክድረር መደብ ነይሩዎ፡ ንጽባሒቱ ድማ ምስ ገለ ሰባት ኣብ ስራሑ ቈጸራ ነይሩዎ። ብዘይካዚ ሓደ ሰብ ብሓይሊ ኣብ መኪና ከእትዉዎ ከለዉ ርእዩ ኣብ ፖሊስ ምስ ኣመልከተ ንባዕሉ ተኣሲሩ። በዚ ምኽንያታት’ዚ ኣባላት ጸጥታ ኢሳያስ ከም ዝቐተሉዎ መረጋገጺ ኣሎ። ሽዑ ናይዝጊ ንባዕሉ ኣብ ሰንከልከል ስለ ዝነበረ ሓንቲ ክገብር ኣይከኣለን።

    እዚ ክተንብቡዎ ዝጸናሕኩም ገለ ፈላጣት ነቲ ቀንዲ ናይ ናይዝጊ ታሪኽ ህይወት ዝገልጹልና፡ እቲ ቀቀሊሉን፡ መባእታውን ግን ከኣ ከም መርኣያ ናይ ባህርያቱን ኣብ ልዕሊ ሰባት ዝነበሮ ንዕቀትን ከብርሃልና ዝኽእል ኮይኑ ይስምዓኒ። ናይዝጊ፡ ንተጋደልቲ ዓሰርተ ኪሎ ሓርጭ ንህዝቢ ፍታሕ ጌርኩም ኢሉ ብዘይፍርዲ ዝኣስር ዝነበረ ሰብ’ዩ። ኣብ 1994 ንሓደ ቈማት ቀይሕ ኢሉ ተጋዳላይ ብዘይፍርዲ ዓመት ምስ ኣሰሮ ናብ ወተሃደራዊ ቤትፍርዲ ቀሪቡ። እቶም ፈራዶ ድማ “ዘእስር የብልካን ነጻ ኢኻ፡” ምስ በሉዎ፡ እቲ ወዲ “ገበነይ ከይተነግረኒ ካብዚ ቦታ ኣይወጽእን’የ” ኢሉዎም። እቶም ፈራዶ “እሞ ክንሓተልካ” ኢሎም ንናይዝጊ ምስ ደወሉሉ፡ “ናብ ማእሰርቲ ምለሱዎ” ስለ ዝበሎም ነቲ ወዲ እንታይ ከም ዝበሎም ሓቢሮሞ። እቲ ተጋዳላይ ኣብ ማአከል ቤትፍርዲ ከም ቈልዓ ጫጭ ኢሉ በኽዩ። እዚዩ ኣብ ነጻ ኤርትራ ዘሎን ዝነበረን ፍትሒ! ኣየ ፍትሒ! ኣየ ሕጊ! ዘብልዩ ብሓቂ። እቲ ሎሚ ዘሎ ኵነታት ርእሰ ግሉጽ ስለ ዝኾነ ምትንታን ኣየድልዮን። እቲ ጸገም ግን ሽዑ “ኣብ ኤርትራ ፍትሒ ተሳኢኑ፡” ኢሉ ዝዛረብ ሰብ፡ “ኢሰፓ” ክኸውን ኣለዎ” እዩ ዝብሃል ነይሩ። እስኪ ነነፍስና ንገምግም ክንደይ ካባና ኢና ካብ ሽዑ ጀሚሩ ግፍዕታት ህግደፍ ዝተረድኣና??? ንዝተኣስረ ሰብ፡ “ገለ ኣጠፋፊኡ” ይኸውንዶ ኣይኮንናን ንብል ኔርና።

    በሉ ሰናይ ቅነ ንሎሚ ኣብዚ ይኣኽለና።

    ዝኽሪ ንስዉኣትና!

    ፈንቅል ካብ ኖርወይ   

    ---

  •  
  •  ሰሉስ, 28 ለካቲት 2012

    ላዕላዋይ በዓል-ስልጣን መንግስቲ ኤርትራ ዝነበረ ናይዝጊ ክፍሉ ኣብ ለንደን ዓሪፉ

    ኣስከሬኑ ናብ ኤርትራ ዘይምእታዉ ኣዘራራቢ ጉዳይ ኾይኑ`ሎ

    ኣብ ለንዶን ዝርከብ ኢምባሲ ኤርትራ ኾነ፡ በዓልቲ ቤት ኣቶ ናይዝጊ፡ ነቲ ዜና-ዕረፍቲ እንተረጋገጹ`ኳ፡ ብዛዕባ ምምላስ ኣስከሬን ኣቶ ናይዝጊ ግና ክዛረቡ ፍቓደኛት ኣይኮኑን።

    ብዝኾነ ግን፡ ብዛዕባ`ቲ ኹነታት ናታቶም ነጸብራቕ ክገልጹልና፡ ምስኡ ነዊሕ ዝተጋደለ ኣቶ መስፍን ሓጎስን፡ ኣብ 80`ታት ኣብ ኣልጀርያን ኣብ ቀረባ ኣብ ለንደንን ዝፈልጦ ኣቶ ሱሌማን ኣደምን ኣዘራሪብና`ለና።

    ኣቶ ናይዝጊ ክፍሉ፡ ኣብ 70`ታት ካብ ኣመሪካ ንሜዳ ከምዝወጸ፡ ኣብ ኤርትራ ሓላፊ ጸጥታን፡ ሓላፊ ሚንስትሪ ዜናን፡ ኣብ ሩስያ ኣምባሳደር ኤርትራ ኾይኑ ከምዘገልገለ ይግለጽ።

    ጸብጻብ ድምጺ ኣመሪካ ዝሓዘ ምሉእ ፕሮግራም ንምስማዕ ኣብ ምልክት ድምጺ ጠውቑ፡

    Listen to Report on Naizghi-Kiflu Death and Burial Controversy

    ---

  • NAIZGHI KIFLU IS MORTAL HISTORY WILL ABSELOVE HIM – BY AMARE GEBREMARIAM GEBRE
  Posted on March 1, 2012 by assenna

  BY AMARE GEBREMARIAM GEBRE

  “If we no longer treat the dead with dignity what hope is here for the living”

  Condolences to the family of Naizgi Kiflu that is to his wife, his son and daughter and relatives.

  People say that you can measure how civilized a country is by the way it treats its dead. That is dignified burial. The world community is moving into the brave new world of designer babies, face transplant and cloning. These advances are held to be evidences of the superiority and prowess of our civilization. Yet the way we treat the dead is of the greatest possible significance, not just to the health services but to the society at large. If we do not show respect to the dead, we will not show it to the living.

  Death is inevitable. Naizghi Kiflu died Feb 6th 2012 in London a natural death at the age possibly 70 years. Yet his corpse did not get proper burial not because his family could not afford it, not because the British government did not give permit, but the dictatorial regime PFDJ in Eritrea did not allow entry of Naizghi Kiflu’s corpse to Eritrea for dignified burial. Highland Eritrean Christians always prefer to bury the dead at his/her village of origin. This is the norm of the Eritrean highland society and this is not the norm of only Eritrean but of most world society.

  I knew Naizghi since my school age days first at Tipo elementary school then at St. George middle school in Mendefera and at a high school in Asmara. Naizghi battled colonialism since his middle school days.

  NAIZGHI’S FIGHT WITH COLONIALS

  People say beauty is on the eye of the beholder. My take on Naizghi’s struggle for independence and after is based on observed facts and reported information.

  a)     His struggle started during middle school days when he led the demonstration of St. George middle school student in support of the students of high school students in Asmara. Then he continued it by distributing fliers in Mendefera and Asmara during his high school days. He was also the brave man who organized the most cells of Movement of seven{ mahber 7} ,organize demonstrations. Because of these activities he was expelled from high school along with the late Andemicael Kahsai and were exiled to Ethiopia Where he continued his struggle. Then he got scholarship to the Soviet Union stayed in other countries and joined the armed struggle in 1972.

  b)    I met him in Sahel for a brief time in 1976 that we only exchanged greeting. 1974 is the time Naizghi started to put black spots in his endeavor for independence. He became right hand man of Isaias Afeworhi and had a role in the execution of the revolutionaries (MENKA). There is also information that implicates him in many ways as a minister of information, vice chief of security——-etc. This is second hand information that I can not conform or reject.

  c)     Naizghi Kiflu was an intelligent, bold, hard working and visionary. People who grew up with him expect from him a document of the struggle of EPLF and PFDJ and his vision for the future. I am sure the Eritrean people will forgive him for certain misdeeds the moment that document surfaces.

  Eternal life to Naizghi Kiflu and condolences to his family and relatives.

  We struggle we succeed    Comments>>>>ama766@comcast.net

  Glory to our martyrs

• Earth to earth, Ashes to Ashes, Dust to Dust: If the president permits it.

  ---

• No respect even for the dead in Eritrea
  03-01-2012
  Nothing can be more telling in this regard than the fate of Naizghi Kiflu, one of the most hated supporters of President Isaias both before and after independence. Naizghi served President Isaias in various capacities not least as a feared and loathed security head responsible for the killing and disappearance of hundreds of Isaias’s opponents. When Naizghi died on February 6th after a long illness in London where he had been receiving medical treatment, it was obviously expected that his funeral would take place in the Martyr’s Cemetery in Asmara with full honours befitting a veteran fighter. A month after his death, nobody still knows if his family will even be allowed to take his body back to Eritrea, let alone whether it will get an official ceremony. Whatever the reason for the regime’s refusal to approve of the return of Naizghi’s body, there is no doubt it is sending a message: It is President Isaias that has full control of all Eritreans alive or dead and he is not willing to let this go. The Eritrea that tens of thousands of people died for is now the private turf of a man who denies a burial place to those who were willing to die for him. This obsession with morbid excitement may be pathetic, but the strangest thing is that there still are those, even among the opposition, who try to find concealed meanings beneath the callousness. This is what President Isaias has reduced Eritrea and Eritreans to.[source http://www.dailyethiopia.com/index.php?aid=1114]

  ---

  ቀብሪ ሓደ ሰብኣይ ወይስ መሰል 4 ምልዮን ህዝቢ?

  Posted on March 5, 2012 by assenna

  ቀብሪ ሓደ ሰብኣይ ወይስ መሰል 4 ምልዮን ህዝቢ?

  ኣድሓኖም  ፍትዊ

  ኣብ ዓለም ዘለው ዲክታተራት ሓደ ንኹሎም ዝገዝኦም ባህርይ ኣሎ። ንሱ ድማ መሰል ህዝቢ ኣየኽቡሩን፡ መሰል ውልቀሰባት ኣየግድሶምን፡ ልዕላውነት ሃገርውን ኣይንታዮምን። እታ ቀንዲ እተገድሶም ስልጣኖም ኢያ። ብስልጣኖም ዝመጾም ዝኾነ ስጉምቲ ክወስዱ ድልዋት ኢዮም። ኢሳያስ ብፍላይ ሕልፍ ዝበለ ጨካን ኢዩ።

  ናይዝጊ ክፍሉ ንንውሕ ዝበለ ግዜ ኣብ ዓዲ እንግሊዝ ክሕከም ጸኒሑ ከም ዝዓረፈ ዝፍለጥ ኢዩ።ከምኡ’ውን ኣብቲ ንሳላሳ ዓመታት ዝተኻየደ ቃልሲ፡ ታሪኽ ናይዝጊ እንታይ ከም ዝነበረ ዳርጋ ንዝኾነ ኤርትራዊ ብሩህ ኢዩ። ህልም ዝበለ ኣንጻር ደሞክራስያውያን ተቓለሰቲ ከም ዝነበረ ማንም ዘይስሕቶ ኢዩ። ሕሉፍ ሓሊፉ ገለ ብጾት ኣብ መዳ “ኢቫን ናይ ኤርትራ” ኢሎም ይሰምይዎ ከም ዝነበሩ ትዝ ይብለኒ። ኣነውን ብርሑቚ ይኹን’ምበር ናይዝጊ እፈልጦ ከምዝነበርኩ፡ ቀንዲ ገባርን ሓዳግን የማናይ ኢድ ኢሳያስ ከም ዝነበረ ኢዩ ዝፍለጥ። ኢሳያስ በላ ናይዝጊ በላ ከምዝነበረ ማንም ዝኽሕዶ የለን።

  ሕጂ ግን ታሪኽ መዋቲ ናይዝጊ ገዲፍና፡ ናይ ጭካኔ ኢሳያስ ንዛረብ። ናይዝጊ ሕማቕ ጌሩ’ሞ ሕማቕ ይፈደ ኣይንብልን። ብፍላይ ብባህልና “ምውት ኣይትኽሰስ” ከምዝበሃል። ናይዝጊ ብታሪኹ ክኽሰስ ይነብር እምበር መሰሉ ክኽበር ኣለዎ። ሓመድ ሃገሩ ዝነፍጎ ዋላ ሓደ ኣካል ክህሉ ኣይግባእን።ዋእ! ኢሳያስ ግን ንሕስያ ዘይብሉ ጨካን ኢዩ።ኣብ ኣእምሮ እዚ ሰብ’ዚ “ሰብ፡ ሰብ ኣይመስሎን” ንሰብ ከም ኣቕሓ ተጠቒሙ ኢዩ ዝደርብዮ። ዳርጋ ንኹሎም ናይ ቀረባ ብጾቱ ዝነበሩ ተበሳጭዮም ካብ ህዝቢ ከም ዝንጸሉ ጌሩ ይደርብዮም። ኣብ ዓዲ ጥልያን ንኢሳያስ ዕድመ ልኽዑ ከገልግል ዝጸንሐ ዓንደማርያም ሓደ ኣብነት ኢዩ። ኢሳያስ ከም ብልያረዶ ሰባት ምስ ሰባት እናጋጨወ ዝነብር ሕሉፍ ጨካን ኢዩ። ንኢሳያስ ዘይፈለጠ ይፍለጦ። መን ኣሎ ኢሳያስ ተጠቒሙ ዘይከሓዶ። ኢሳያስ መን ኣልዎ ካብ መጀመርያ ስጋብ መጨረሻ ብዕርክነት ይኹን ብብጻይነት፡ ምስኡ ዝተጓዕዘ? በዓል የማነ ማንኪ’ውን ዝድርበይላ መዓልቲ ኣላቶም። ንሳቶም እውን ይፈልጥዋ ኢዮም። ግን’ከ ከመይ ጌሮም ካብታ ዝኣተውዋ ዓዘቕቲ ይውጽኡ?

  ሽሕኳ፡ መዋቲ ናይ ቃልሲ ታሪኹ ብገበን ዝተላዕጠጠ እንተ ዀነ፡ናይ ቀብሪ መሰሉ ብስድራ ቤቱ ውሳኔ መሰረት ክሕሎ ኣለዎ ንብል ። በወገነይ እውን ነቶም ንጹሃት በተ-ሰቡ ጽንዓት ይሃቦም እብል። ቀጺለውን ነቶም ኣብዚ ግዜ’ዚ ብረይሳ  ናይዝጊ ናብ ዓዲ ክኣቱ ዘይምፈቃዱ ምኽነያት በምግባር ላዕልን-ታሕተን ዝባሉ ዘለው ከም በዓል መስከረም ዝኣመሰሉ ህግደፋውያን ልክዕ ኣለው ኣይቃወመምን። ሕቶይ ግን ነቶም በሻሓት ዝቑጸሩ ኣብ ፈቖዶ ጐዳጉዲ ዝጠፍኡ ዘለው ሃገራውያን’ከ ኣይሪእዎምን ድዮም? ስጋብ መኣስ ኢዮም፤ ኢሳያስ ዝደገፎ ክድግፉ፡ ኢሳያስ ዝጸልኦ ክጸልኡ ክብሩ?

  በሉ ክሕደት ኢሳያስ ኣብ ኣኣፍደገኹም በጺሓ። ኢሳያስ ንናይዘጊ’ኳ ዝኸድዖ እንታይ ትጽበዩ? ኢሳያስ ኣይኮነን’ዶ ንሂውት ዘለዎስ ንረይሳ ዝቋጻጸር ሰብ ኢዩ። ካብዚ ስርዓት’ዚ እንታይ ትጽበዩ?

  ስርዓት ህግደፍ ሎሚ ኣይኮነን ረይሳ ንዓዲ ምእታው ከልኪሉ። ካብ ብዙሓት ሃገራት ብዙሓት ረሳታት ኢዮም ናብ ዓዲ ምእታው ተኸልኪሎም።ንኣብነት ሓደ ኣዚዩ ዘሕዝን ታሪኽ ክገልጸልኩም። ሓደ ኤርትራዊ ዓቢ ሰብኣይ፡ ብዕድመ ዝደፈአ እሞ ከኣ ሕሙም ብመንኮርኮር ሰድያ ዝኸይድ፡ ኣብ ሮተረዳም ይነብር ነበረ።ውዱ ገለ ውዲ 18 ዓመት ይኸውን ድማ ይናብዮ ነበረ። እዚ ቆልዓ ኣብ ሆላንድ ኢዩ ተወሊዱ ዝዓበየ። እዚ ንሞት እናተቓረበ ዝኸይድ ዘሎ ሰብኣይ፡ ሽሕኳ ብእመነት እሰልምና፡ ኣብ ዝሞተካዮ ሃገር ምቕባር ልሙድ እንተ ነበረ፡ሃገሩ ኣዝዩ ይፈቱ ስለ ዝነበረ፡ኣብ ሃገሩ ንኽቕበር ታናቢዩ ነታ ዕለት ሞቱ ይጽበ ነበረ። ከምኡ’ውን እዚ ኣቦ ምስ ሞተ እቲ ዝናብዮ ዝነበረ ወዱ ሽግር ከየጋጥሞ፡ እተን ክለተ ካብ ምኢይቲ ይኹና ካሊእ፡ ብኣግኡ ይኸፍለን ነበረ። ሞት ኣይትተርፍን’ሞ፡ ሞት  ኣብ ማዓልታ መጺኣ ሰብኣይ ሞተ። እቲ ወዱ ድማ ከምታ ለበዋ ኣቦኡ ናብታ ዓዱ ውሲዱ ክቐብሮ፡ ናብቲ ቆንስል ስርዓት ህግደፍ ዝርከበሉ ንደሄክ ከፍቅድ ከደ። እቲ ቆንስል ድማ ናይቲ ግብኡ ዝፈጸመ መዋቲ ዘይኮነ ዝዓጠጦ፡ ነቲ ቆልዓ ጸብጺቡ ጸባጺቡ “እዚኤን እንተዘይከፈልካ ረይሳ ኣቦኻ   ዓዲ አይከኣቱን ኢዩ” በሎ። እቲ ቆልዓ ድማ ገንዘብ ስለ ዘይነበሮ ከኸፍል ኣይከኣለን።ኣብቲ ግዜ’ቲ ዝነበረ ሓዘን ናይቲ ማዋቲ ዘይኮነስ ናይቲ ስርዓት ጭካኔ ኢዩ። እሞ፡ ሰማ ዘሃገርኩም፡ ኣብ በብዓዱ ክንደይ ረይሳ ዘየተኸልከለ? Read more

  ---

  Read the latest articles

  Click here to read response of some readers to articles posted to websites

  Click here to read some poems posted to jeberti.com and assenna.com regarding the death of Naizgi and Isaias denies Naizgi body to be buried in Eritrea

  Book: Naizghi-Kiflu: Isaias Afwerki, Eritrea

  Naizghi Kiflu Interview on Kidane Kiflu [find more information about Kidane Kiflu]

  ---

  የማነ ባሪያ መን ካብ መን ይሕይሽ አብ ልዕሊ መን ክውርዚ ዕንቅርቢት ን ተመን ኩሉኻትኩም ሕንዚ

  ኣንታ ንዓኹምስ መን ኣሚንኩም! ሎሚ ስመር ኢልኩም ጽባሕ ብትንትን ትእትዉልና! ካብ ሻዕብያን ወያነን ብዙሕ ተማሂርና ኢና።]
  	During the liberation struggle many innocent liberation fighters and civilians became victims of the former revolutionary leaders who are currently serving in the Eritrean government or in the Opposition. The opposition leaders of the EDA and EPDP are not innocent of crime. They like the PFDJ leaders whom they are accusing of committing crimes against the Eritrean people since 1991 are also guilty

  ኣብ ክንዲ ንኢሳያስ፡ “ነዊሕ ኣብ ስልጣን ጸኒሑ፡ ዲክታተር ኮይኑ፡ ቅዋም ኣይተግበረን፡ ስልጣን ንህዝቢ ምርካብ ኣብዩ፡”  ወዘተ ኢሎም ዝኸሱዎ፡ መጀመርያ ንሳቶም ብሕግን ብደሞክራስን ይመርሑ፡ ስልጣን ድማ ናብ ህዝቢ የረክቡ። ድሕሪኡ ብዛዕባ ሃገር ክዛረቡን ምኽሮም ክልግሱን ምኸኣሉ። ብሰንኪ ግጉይ ኣመራርሓኦም ድማ ብዙሕ ሰብ ክውደብን ክቃለስን ጸጊሙዎ ኣሎ። ሎሚ ሃገር ሓድሽ ደም የድልያ ኣሎ። ኣዞም መንእሰያት ዝገብሩዎ ዘለዉ ምውድዳባት ቀሊል ስራሕ ኣይኮነን። ምናልባት ምስ ኵነታት ኤውሮጳ ዝጋጮ ጐነጽ ክጥቀሙ ኸለዉ ክጥንቀቑ ኣለዎም ዝብል ርእይቶ ኣለኒ። ካብኡ በለ ግን መዋእል ጀብሃን ሻዕብያን ኣብቂዑ ስለ ዝኾነ፡ ኩላቶም ብናይ ትማሊ ዝሓስቡ፡ ነይረ ጥራይ ዝብሉ ሰባት ኣብ ክንዲ ናብ ስልጣን ምምጥጣር፡ ስልጣን ነቲ ብዛዕባ መጻኢ ዕድል ሃገርን ህዝብን ዝሓስብ መንእሰይ ኣረኪቦም ከም ኣቦታት ወይ ዓበይቲ ዓዲ መጠን ኣማኸርቲ ክኾኑ ጥራይ’ዩ ዘለዎም። ሓድሽ እንጌራ ከሎ ዝዓሰወ እንጌራ ደጊም ዘድሊ ኣይመስለንን። Read more