W.Haile

Mysterious death of Ibrahim Afa
Mysterious death of Abraham Tewelde

Liquidation in the ELF

Liquidation in the EPLF

ኣብ ኢትዮጵያ/ትግራይ ዘለዋ ኤርትራዊያን ደቂ ኣንስትዮ ስደተኛታት ኣዋልድ ዝረኽበ ኦ ዘለዋ ጸገም።

Radio Erena: February 12, 2014

ኣብ ቤት ፍርዲ ወረዳ ጸለምቲ ንውሳኔ ካብ ዝቐረቡ ሸሞንተ ኤርትራውያን ስደተኛታት፣ ካብ ኣርባዕተ ዓመት ክሳብ ዓመትን ሽዱሽተ ወርሕን ክእሰሩ ተበይንሎም

ብጉዳይ ምልዕዓል ኤርትራውያን ተቓውሞ ኣብ መዓስከር ስደተኛታት ማይ ዓይኒ ገበነኛታት ተባሂሎም ብሰኑይ 10 ለካቲት ኣብ ቤት ፍርዲ ወረዳ ጸለምቲ ንውሳነ ካብ ዝቐረቡ ሸሞንተ ኤርትራውያን ስደተኛታት እቶም ሰለስተ ነፍሲ ወከፎም ኣርባዕተ ዓመት ክእሰሩን 7 ሽሕ ብር ክኽፍሉን ክብየነሎም እንከሎ፣ እቶም ሰልስተ ድማ ነፍሲ ወከፎም ሓደ ዓመትን ሽዱሽተ ወርሕን ክእሰሩን 3 ሽሕ ብር ድማ ክኸፍሉን ተበይንሎም ምህላዉ ምንጭታት ሬድዮ ኤረና ሓቢሮም። ንኽልተ ድማ ናጻ ኣፋንዩዎም።

ብመሰረት እቲ ተዋሂብዎም ዘሎ ብይን፣-

 1. ኤፍሬም ይሕደጎ ወልደገብርኤል
2 ዳኒኤል ሚካኤል ተስፋይ
3. የዕብዮ ትንሱእ ሓደራ፣ ነቲ ብ5ን 6ን ጥቕምቲ ኣብ መዓስከር ማይ ዓይኒ ዝተላዓዓለ ተቓውሞ ኤርትራውያን ስደተኛታት ብምውዳቦምን ብሰንኩ ድማ ኣብ ሰብን ንብረትን ጉድኣት ብምብጽሑን ነፍሲ ወከፎም ኣርባዕተ ዓመት ክእሰሩ፣ ሸውዓተ ሽሕ ብር ድማ ክኸፍሉ’ዮም።

ኣብቲ ዝተኻየደ ተቓውሞ ተሓባበርቲ ኔርኩም ዝተባህሉ፣-

4. ኣማኑኤል ሓድገምበስ ተስፋማርያም
5. ሙሴ እሰይ ሰ

ኣበይ ኣሎ ኢሰያስ? ብህይወት ኣብ ስቱር ቦታ ከም ዘሎ ርግጸኛ እኳ እንተዘይኮንኩ ደሓን ከም ዘሎ ግን ሰሚዔ ኣሎኹ። እቲ ሕቶ ግን ንሱ ኣይኮነን፡ ሓውና ኢሰያስ ኩላትና ከም እንፈልጦ ካብቶም ንምንቅንቓስን ውዳበን ኤርትራውያን ኣብ እስራኤል ዝነጠፉ ሓደ ኢዩ። ኣብዚ ከየብቀዐ ቃልሱ ንምቕጻል ናብ ኢትዮጵያ ከይዱ ሓደ ካብቶም መስረቲ ናይ “ስምረት” ኮይኑ ክዋሳእን ክነጥፍን ዝጸንሔ ንጡፍ ተጋዳላይ ኮይኑ ድሕሪ ምጽናሕ፡ ሕጂ ግን፡ ኣብ መንጎ መሪሕነት ስምረት፡ ዘይምርድዳእ ስለ ዝተፈጥረን ፍልይ ዝበል ርእይቶን ስለ ዝሓዘ ጥራይ ንህይወቱ ኣብ ዘስግእ ኩነታት በጺሑስ ንርእሱ ክከላኸለሉ ኣብ ዘይክእለሉ ደርጃ ይርከብ ኣሎ ይበሃል። ግን ስለምንታይ ኣብዚ ሕጂ ዘለዎ ደረጃ ተበጺሑ? መሪሕነት ስምረትከ? ስለምንታይዩ ብዛዕባ ኢሰያስ ትም ኢሉ ኣጽቂጡ ዘሎ? ዘይምርድዳእ እንተሎ ኾይኑኸ ንምንታዩ ብስቱር ክፈትሖ ዘይፈተነ? ኣብ ፖለቲካ ክትነጥፍ ከሎኻ ኩሉ ሰብ ሓደ ዓይነት ርእይቶ ኣለዎ ማለት ኣይኮነን፡ ኮይኑ ግን፡ ንዘየረዳድኣካ ነጥቢ ኣብ ጣውላ ኮፍ ኢልካ ክትፈትሖ ምፍታን እቲ ብሉጽ መፍትሒ ናይ ዘይምርድዳእ ኢዩ። ብምርድዳእ እንተዘየሰሊጡ ከኣ ብድምጸ ኣብዝሆ ውሳኔ ተመሓላልፍ። ንነገራት ብምርድዳእን ብምጽውዋርን ጥራይ ኢኻ ክትፈትሖ ዘሎካ እምበር ንዘይተረዳድኣና ውልቀ ሰብ ይኹን ጉጅለ፡ ናይ ምንጻልን ምቕንጻልን ስጉምቲ እንወስድና ነገራት ክንፈትሕ እንተደኣ ጀሚርና ግን፡ መቐጸልታ፡ ናይቲ ኢሰያስ ካብ ሰብዓታት ጀሚሩ ክሳዕ ሕጂ ዘተግብሮ ዘሎ ንጥፍኣትና ዝዓለመ ሰራም ውዲት ስለ ዝኾነ፡ ካብ ሕጂ ጀሚርና ክንከታተሎ ኣሎና። ዓላማና፡ ንውልቀ መላኺ ኢሰያስ ኣውሪድና ካልእ ውልቀ መላኺ ኣብ ቦታኡ ንምትካእ ከምዘይኮነ ክፍለጥ ይግባእ። ምደብና ብስርዓተ ዲሞክራሲ ዝትከል መንግስቲ ንምምስራት ኢዩ፡ ስርዓት ዲሞክራሲ ከኣ መንግስቲ ምስ ተኸልካ እትጅምሮ ዘይኮነስ እናተቓለስካ እተዕበኻዮ መስርሕ ኢዩ። ገና ንዲሞክራሲ ምቅላስ ክትጅምር ከሎኻ ከኣ ኢዩ ጉዕዞ ዲሞክራሲ ዝጅመር። ኣብ መወዳእታ ብዛዕባ ኢሰያስ ወዲ ሞባእ ክሓትት ከለኹ ከም ኤርትራዊተቓላሳይን ከም ሓወይን ዘገድሰኒ እኳ እንተኾነ፡ ዝያዳ ግን ብዛዕባ ኩሉ ኤርትራዊ ተቓላሳይን ምንቅስቓሳቱን ኣገዲሱኒ ይጽሕፍ ከምዘሎኹ ክፍለጥ ይግባእ። ሃለዋት ኢሰያስ ክፈልጥ ምጽሓፈይ ብዛዕባ ኢሰያስ ጥራይ ንኹሉ ብኸምዚ ዓይነት ኣጸጋሚ ኩነታት ንዝሓልፍ ተቓላሳይ፡ ሃለዋቱ ክንፈልጥን ክንጣበቐሉን ሃገራዊ ሓላፍነት ከም ዘሎና ንምዝኽኻር ኢዩ። ብዛዕባ እዚ ጉዳይ እዚ ዝፈልጥን ሓላፍነት ዝወስድን ኣካል ከኣ ብግልጺ ብዛዕባ ኢሰያስ ዘዕግብ መግለጺ ክወሃብ ኣለዎ ዝብል እምነት ኣሎኒ፡ ተቓለስትናን ብሕቡእ ተሃሪሞም ክሓቁን ክጠፍኡን ከለዉ ትም ኢልካ ምርኣይ ከብቅዕ ኣለዎ። እግዚኣብሄር ንህዝቢ ኤርትራ ይባርኽ!! “ኣምላኽ ሰማይ ኬቕንዓልና ኢዩ፡ ንሕና ባሮቱ ከኣ ተንሲእና ክንዓዪ ኢና”። ነህ.2፡20 source Teame Berhehttps://www.facebook.com/permalink.php?story_fbid=505156116291301&id=100003907525923 read more ምሕዝነት ህዝቢ ምስ ህዝቢ እናበልካ ምስ ኢትዮጵያውያን ዝግበር ዘሎ ጓይላን ዳንኬራን ኣይግድን፡ (ካብ ፈይስ ቡክ፡፡Isayas Teklebrhan) ሕቶና ሕቶ ጥበብ ድዩ ወይስ……………. ኣብዚ ቅንያት እዚ ምሕዝነት ህዝቢ ምስ ህዝቢ እናበልካ ዝግበር ዘሎ ጓይላን ዳንኬራን መቸም ገሌና ብማዕከናት ዜና፡ ገሌኹም ድማ ብኣካል ተኻታቲልኩምን ተኻታቲልናን ኢና፡፡ ዝኸበርኩም ኤርትራውያን፡ መትከላዊ እምነት ሃገራውያን ኤርትራውያን፡ ኤርትራ ነብሳ ዝኽኣለት ልዑላዊት ሃገር ኢያ። ህዝቢ ኤርትራ ድማ ልዑላውን ልዑላውን ኢዩ። ኤርትራ ብታሪኽ ኣካል ኢትዮጵያ ኮይና ኣይትፈልጥን። እቲ እንኮ ብዓመጽ ሃጸይ ሃይለስላሴ ብምስምስ ፈደረሸን ዝኣተወቶ ናይ ዓሎቕ ቃልኪዳን ጥራይ። እሞ ድኣ እንታይ ሓድሽ ነገር ስለ ዝተረኽበ ሕጂ፡ ገለ ጥበባውያን ኢና በሃልቲ ብጉልባብ ምሕዝነት ሓደ ህዝቢ ኢና እናበሉ ዝጭድሩ!! ኣይፋልኩምን ክንብብሎም ምሉእ ትብዓት ክህልወና ይግባእ፡ ካብዚ ዝተረፈ ስለ ህዝብን ሃገርን ኢና ንቃለስ ምባል ካብ ናይ ኣምሰሉ ቃላት ካልእ ኣይስምዕን። ከም እምነትናን መትከልናን ህዝቢ ኢትዮጵያ ፈታውን ጎረቤትን ህዝቢ ኤርትራ ኢዩ ከምኡ ድማ ህዝቢ ኤርትራ ። ግን ህዝቢ ኤርትራ ህዝቢ ኤርትራ ኢዩ!! ህዝቢ ኢትዮጵያ ድማ ህዝቢ ኢትዮጵያ ኢዩ። ካልእ ጥጅእን ጌሶን እንተልዩ ግን ንሰራሕቱን ነቶም ኣብ ናይ ታሪኽ ምንዝርና ክዋፈሩ ዝውዕሉ ዘሎው ኣመንዝራታት ናይ ታሪኽ ክንቃልሶምን ተቢዕና ድማ ኣይፋልኩምን ክንብሎም ይግባእ። መተሓሳሰቢ፡ መትከላተይ ንጹር ኢዩ። ህዝቢ ዘየሳተፈ ዝግበር ምሕዝነት እንትርፎ ንጥቕምኻን ውልቃዊ ሕሳባትካን ካልእ ፋይዳ የብሉን። እንተ እዚ ዝግበር ዘሎ ዘሎ ዕውር ወፍሪ ሓታትን ተሓታትን ክህልዎ ንቡር’ዩ እሞ ብህዝብን ሃገር ዝጻወት ክኣ፡ ጽባሕ ኣብ ቅርዓት ዓድና መዛግብቲ ታሪኽና ክግንጸል ኢዩ ሞ ንጠንቀቕ ህዝቢ ኤርትራ ዝኾነ ባዕሉ ወሲኑ እዩ፡ ብሕጂ ዝውስን ክኣ ህዝቢ ኤርትራ ጥራይን ጥራይን ኢዩ!! ኤርትራን ኤርትራውነትን ንዘልኣለም ክነብሩ ኢዮም!!

ተቓውሞ ኣለዓዒልኩም ብዝብል ክሲ ካብ ክልተ ዓመትን ኣርባዕተ ወርሕን ክሳብ ኣርባዕተ ዓመታት ክእሰሩ ዝተፈርዱ ኤርትራውያን ስደተኛታት ኣብ ኢትዮጵያ ብናይ ገንዘብ መቕጻዕቲ ጥራይ ተፋንዮም

Source Radio Erena: April 10, 2014

ኣብ ኢትዮጵያ ኣብ መዓስከራት ስደተኛታት ዓዲ ሓሩሽን ማይ ዓይኒን ዝተኻየደ ተቓውሞታት ወዲብኩም ተባሂሎም ኣብ ቀይዲ ዝጸንሑ 11 ኤርትራውያን ስደተኛታት ከምዝተለቑ ምንጭታት ሬድዮ ኤረና ሓቢሮም።

ካብ መዓስከር ስደተኛታት ዓዲ ሓሩሽ ኣብ ቀይዲ ዝጸንሑ ሓሙሽተ ኤርትራውያን፣ ነፍሲ ወከፎም 2 ዓመትን ኣርባዕተ ወርሕን ክእሰሩን ብድምር ድማ 20 ሽሕ ብር ክኸፍሉን’ዩ ተበይንሎም ኔሩ።

ንሳቶም፣ ካብቲ ዝተበየነሎም ናይ ክልተ ዓመትን ኣርባዕተ ወርሕን ማእሰርቲ ቅድሚ ሓደ ሰሙን ናጻ ክልቐቑ እንከለዉ፣ እቲ 20 ሽሕ ብር ድማ ኣብ ሱዳንን ኣብ መዓስከራት ኢትዮጵያን ዝርከቡ ወገናቶም ብምውጻእ ክኸፍለሎም ከምዝኸኣለ’ውን ተፈሊጡ።

እቶም ካብ መዓስከር ስደተኛታት ማይ ዓይኒ ዝተኣስሩ ሽዱሽተ ኤርትራውያን ድማ ነፍሲ ወከፎም ክሳብ ኣርባዕተ ዓመት ክእሰሩን ብድምር ድማ 14 ሽሕ ክኽፈሉን ቤት ፍርዲ ወረዳ ጸለምቲ በይኑሎም እኳ እንተነበረ፣ ካብ ማእሰርቲ ግና ካብ ትማሊ ናጻ ተፋንዮም ኣለዉ።

ይኹን’መብር እቲ ተበይንሎም ዘሎ ብድምር 14 ሽሕ ብር መቕጻዕቲ፣ ክኽፍልዎ ዓቕሚ ስለዘይብሎም፣ ሕጂ’ውን ሓገዝ ኤርትራውያን የሕዋቶም ይሓቱ ኣለዉ።

ፖሊስ ኢትዮጵያ ብዝኸፈትሎም ተዅሲ ሓሙሽተ ቆልዑን ከምዘቐትሉን ሓያሎ ድማ ከምዝቖሰሉን ኣብ ናይ ትማሊ ጸብጻብ ሬድዮ ኤረና ተቓሊሑ’ዩ።

Readmore

ዓገብ መራሕቲ ኢትዮጵያ

ዓገብ መራሕቲ ኢትዮጵያ(ገብረሂወት ወልደሚካኤል)

መንግስቲ ኢትዮጵያ ብፍላይ ከኣ ምምሕዳር ትግራይ ኣብ ልዕሊ ስደተኛ ኤርትራዊ ኣብ መሬት ትግራይ ኮታ(ማይ-ዓይኒ ዓዲ-ሓርሽ ወዘተ) ዝፍጸም ዘሎ ኣሰቃቒ ተግባራት ንመጻኢ ትውልዲ ኣነዋሪ ሓድጊ ምኻኑ ትዝግዕዎ ኢኹም ዝብል እምነት የብለይን። ንበዓል ሓዊስ ብነጎዳ ተኩሶ እዩ ነገራቱ። ዝሓለፈ ይኣክል። ዝሓለፈ ትመሃሩሉ’ምበር ኣይደጋገምን።

እናሓደረ ዝጉዳእ ሕዱር ዘይሓዊ ቁስሊ ናይ መራሕቲ ሻዕብያን ወያኔን ናብ ህዝቢ ቂምን ቅርሕንትን ምዝራእ ዘይሓላፍነታዊ ስጉምቲ ምኻኑ’ውን ትስሕትዎ ጉዳይ ኣይኮነን። ክሳብ ዋናታቱ ዘለዉ እቲ ቁስሊ እናሓደረ ክረክስ እዩ። ምኽንያቱ መሕበኢ፡ መመዝመዚ ስለ ዝጥቀምሉ። እዚ ውዲት’ዚ ክቃላዕ ከሎ ግን ንኹሉ’ዩ ንማንም ዝምሕር ኣይኮነን።

ኣብዚ እዋንዚ ህዝቢ ኤርትራ ብሓዘን ጅምላዊ ህልቂት ላምፐዱሳ ተቖሪኑ ምህላዉ ትፈልጡ ኢኹም። ኣይኮነንዶ ሓዉ ዝኾነ ህዝቢ ኢትዮጵያ ብፍላይ ከኣ ህዝቢ ትግራይስ ይትረፍ ንኣህዛብ ዓለም ብምልኡ ዘሰንበደ ተርእዮ እዩ።

እዚ ኣስካሕካሒ ተረክቦ ቅዝፈታት’ዚ ከይኣክል ምድረ-ኤርትራ ሓዊ-ረመጽ ኮይናቶ ኮታ ሓሲምዎ ዝዓበየሉ ዝፈትዎ ማይ-ቤቱ ገዲፉ ሂወቱ ንኸድሕን ንምምሕዳርኩም ኣሚኑ ፖለቲካዊ ዕቑባ ዝሓተተ ህዝቢ ኣብ ዕጹው መደበር መሰሉ ክንዲ ዝሓተተ ብሻምብቆ ብረት ክትሰሃልዎ ሃየንታ እዩ። ሻዕብያ እናኣመኽነኻ ህዝቢ ምግፋዕ ነውሪ እዩ። ንመጻኢ ትውልዲ ዕዳ እዩ። ህዝቢ ዝመርሕ ብግዝኣተ-ሕጊ ዝምራሕ ቂምን ቅርሕንት ከሰራስር ኣይነብርን። ናይ ደቁን ደቂ ደቁን መሰላት ኣኽቢሩ ይሓልፍ።

ክቡራት መራሕቲ ኢትዮጵያ ብፍላይ ከኣ መራሕቲ ወያኔ ትግራይ ነዚ ኣብ መሬት ትግራይ ብጉልባብ ሻዕብያ ዝካየድ ዘሎ ኣሰቃቒ ዓመጽ ኣብ ልዕሊ ንጹሃት ጃለ ስደተኛታት ኤርትራውያን ህጹጽ ፍታሕ ክሳብ ሎሚ ዘይምትግባርኩም ድርብርብ ገበን እዩ። ብሂወት ሓወይ ትብሎ ህዝቢ ጸወታ ዕዳ እዩ። ሓወይ ዝብል ኣይህሰኻ’ዩ ነገራቱ።

ክቡራት መራሕቲ እትንየቱሉ ደምክራስያዊ መሰላት ኣህዛብ ኣብ ዋጋ-ዕዳጋ ይወርድ ምህላዉ ኣይትዘንግዑ። ሰብኣዊ መሰልን ክብሪታቱን ዶብ የብሉን። ንህዝብኻ ኢልካ እትድጉኖ ርትዓዊ ፍትሒ ንኻልኦት ኣይንፈግን። ንኹሉ ማዕረ እዩ።

  ክቡራት ተኸታተልት መፍተል ሓበረታ፥ ህዝቢ ኤርትራ ብፍላይ ከኣ መንእሰይ ብሰንኪ ጨካን ምልካዊ ምሕደራ ኢሰያስን ጭፍራኡን ርፍታ ስኢኑ ዝፈትዎ ዝዓበየሉ ማይ-ቤቱ ገዲፉ እግሩ ናብ ዝመርሖ ይሃድም ኣሎ። ብዝኸዶ ከኣ ተጋፊዑ ግዳያት ሞትን ማእሰርትን ተሳጢሑ ይርከብ።

ኣብ ዝሓለፈ ሰሙናት ኣይኮነንዶ ንዓና ንኤርትራውያንስ ንምሉእ ዓለም ዘሰንበደ ጅምላዊ ቅዝፈታት ላምፐዱሳ ጸሚዱና ቀንዩ ኢዩ። ዝሓለፈ ሰሙናት ካብ ካልእ እዋናት ዝፈለየሉ ነገራት እንተልዩ ተረክቦ ላምፐዱሳ ዋላካ ሂወት ኣሕዋትና እንተሰኣና ንዝሓለፈ ጥፍኣት ሂወት ኤርትራውያን ኣብ ምሉእ ዓለም ኣጋሊጹ እዩ።

ስለዚ ምስ ምሉእ ሓዘና ሬሳታት ላምፐዱሳ ሬሳታት ጥራሕ ዘይኮነስ ህያው ሬሳታት ብምኻኑ ኣቓልቦ ምሉእ ዓለም ስሒቡ እዩ።ነዚ ስሕበት’ክንኩስኩሶ ይግባእ። ዘጋጠመና ብሱል ኩነታት ክንዲ ንጥቀመሉ ዘዘሊሉና ሓሊፉ እዩ። ናይ ሎሚ ግን ክዘለና የብሉን። ተሃወስትን ረሳዕትን ምኻን ንግደፎ።

ክቡራት ተኸታተልቲ መፍተል ሓበረታ፣ ናይ ሎሚ ቀንዲ ንቑለይ እዚ ዝስዕብ እዩ።

      ብቕድሚት ምራን ሓነቖ

      ብድሕሪት ዕርፊ ጠወቖ

      ኣብ መንጎኡ ንነዊት ጨነቖ

ክቡራት ኣሓትን ኣሕዋትን፡ ኤትራዊ ዜጋ ኣብ ሃገሩ ሓሲሩ ካብ ሃገሩ ምስ ወጸ’ውን ተዋሪዱ ኮታ ብኹሉ መኣዝናቱ ይልካዕ ምህላዉ ካብ ማንም ዝተሰወረ ኣይኮነን። ኣብ ሃገሩ ዘይከበረ ኣብ ሃገር እንዳማቱ ክኸብር ማለት ዘበት እዩ።

እዚ ኮነ እቲ ሰብ ዝኽእሎ እዩ ዝገብር’ሞ፡ ኣብ ዓዲ ሕግን ፍትን እንነብር ኤርትራውያን፡ ንስቅያት ራዕድን ሽበራን ኣብ መደበር ስድተኛታት ኤርትራውያ ብተጋሩ ኣሕዋትና ዘጋጥሞም ዘሎ ሽቑጥቑጥ ጠጠው ንኸብልዎ ኣብ ዘዘለናዮ ሃገራት ኣብ ቅድሚ ኢምባሲ(Embassy) ሃገረ ኢትዮጵያ ብመልክዕ ስላማዊ ሰልፊ ዓገብ ንበል። ኣእዳውና ኣጣሚርና ተዓዘብትን እህህ በሃልትን ኣይንኹን።

ገብረሂወት ወልደሚካኤል

13-10-25 ስቶክሆልም

Crimes committed against Eritreans during the border conflict by Woyane's leaders

• VOA speaks to youth from Ethiopia and Eritrea about the refugee camp
• ኤርትራዉያን ስደተኛታት ድምጽና ይሰማዓልና Oktober 08_2013
• Dear Friend ‘Had You Not Push Me, I Would Not Have Fallen Flat on the Ground”Yebio Woldemariam
• Eritrean refugee at maiainey standes 4 its right ( Ethiopia}[VIDEO]
• Riots Hit Ethiopia Woyane Refugee Camps and Five Eritreans Shot

ዘደንጹ ዜና ካብ ኣዲስ ኣበባ! ከመይ ገይሩ እዩ ሓደ ዝተበደለ ህዝቢ ንበዳሊ ይቕሬታ ዝሓትት?

• ዘሰክፍ ድምጺ ካብ መዓስከር ስደተኛታት ኤርትራውያን ኣብ ኢትዮጵያ ብ ታደሰ ኪዳነ በርሚንግሃም

  October 23, 2013 Filed under ስነ-ጽሑፍ Posted by admin

  ኣብዚ ዝሓለፈ ቅንያት ሓደ ዘሰክፍ ድምጺ ካብቶም ኣብ መዓስከራት ኢትዮጵያ ዝርከቡ ስደተኛታት ኤርትራ ሰሚዐ። ኣዝየ ድማ ሓዚነ። ከም ስደተኛ ጽቡቕን ሕማቕን ጉዕዞ ስደት ስለ ዝረኣኹ ድማ ድምጾም ኣብ ሰራውር ደመይ ክሰርጽ ኣይደንጎየን። እዚ ጽሑፍ’ዚ ድማ ኣብ ግዝይኡ ክቐርብ’ኳ እንተነበሮ፣ ስነ-ስርዓት ቀብርን መዕጸውን ናይቶም ኣብ ላምፐዱዛ ዝጠፍኡ ዜጋታትና ከይተገብረ፣ ካልእ ጉዳይ ምልዓል ጽቡቕ ስለዘይኮነ፣ ምስ ባህልና’ውን ስለ ዘይከይድ ቁሩብ ደንጉዩ ይቐርብ ኣሎ። ነቲ ዘለኒ ትሕዝቶ ድማ ኣብ ክልተ ከፊለ ከቕርቦ ኢየ። ብመጀመርያ ግን ብዛዕባ ስደት ቁሩብ ክዛረብ ጽቡቕ ይመስለኒ።
  ስደት ንመዋእል ክኸይድ ዝጸንሐ ማሕበራዊ ጸገም ኢዩ። ብፍላይ ኣብቲ ዓቢ ህዝባዊ ህልቂት ዘስዓበ 2ይ ኲናት ዓለም ብዙሕ ምዝንባል ደቂ-ሰባት ኢዩ ተራእዩ። በዚ ድማ ኣብ ምዝዛም ናይቲ ኲናት ጉዳይ ስደተኛታትን ዝተመዛበሉ ሰባትን ኣብ ኣጀንዳ ሃገራት ዓለም ላዕለዋይ ቦታ ሒዙ ተቐልቂሉ። ማሕበረ-ሰብ ዓለም ድማ ምእንቲ ድሕነት ናይቶም መረበቶምን ሃገሮምን ዝተመዛበሉ ሰባት ብናይ 1951 ውዕል (The 1951 Refugee convention) ዝፍለጥ፣ ኣብ 1967 ተመሓይሹ ዝመጽ ሓደ ሰነድ ከቲሙ። በብግዜኡ ድማ ሓደስቲ ዓንቀጻት እናተወሰኽዎን እናተመሓየሸን ይቕጽል ኣሎ።

  ቀንዲ ሕመረት ናይቲ ውዕል፣ ሰብ ብዓሌቱ፣ ብብሀሩ፣ ሃይማኖቱ፣ ኣባል ናይ ገለ ማሕበራዊ ጉጅለ ብምዃኑን ብዝህልዎ ፍሉይ ፖለቲካዊ ኣጠማምታን፣ ካብ መበቆል ሃገሩ ሃዲሙ፣ ኣህጉራዊ ዶብ ሰጊሩ፣ ዑቕባ ናይ ካልኦት ሃገራት ንዝሓትት ሰብ ዝወሃብ መሰል ኢዩ። ሎሚ ካብተን 192 ኣባል ውድብ ሕቡራት ሃገራት፣ እተን 144 ክታመን ኣንቢረናሉ ኣለዋ። እቲ ኣብ ኣዲስ ኣበባ ዝመደበሩ፣ ቅድሚ ገለ ዓመታት ውድብ ሓድነት ኣፍሪቃ ዝብል መጸውዒ ዝነበሮ ሕብረት ኣፍሪቃ‘ውን፣ ምስ ፍሉይ ኩነታት ናይታ ክፍሊ-ዓለም ብምዝማድ፣ ንገለ ቃላትን ሓረጋትን ወሲኹ ወይ ኣመሓይሹ ኣብ 1969 ብወግዒ ተቐቢሉዎን ኣጽዲቑዎን ኢዩ። ጎረቤትና ኢትዮጵያ’ውን ልክዕ ኣብቲ ዓመት’ቲ፣ ብ10 ሕዳር 1969 ነቲ ውዕል ብወግዒ ፈሪማትሉ ኢያ።

  ገለ ካብቲ ፈረምቲ ሃገራት ከተግብርዎ ዝሕተቱ ነጥብታት ድማ፦

  1. ብመሰረት ዓንቀጽ 35 ምስ ኮሚሽን ትካል ስደተኛታትን (UNHCR) ካልኦት ጨናፍር ውድብ ሕቡራት ሃገራትን  ክተሓባበራ፣ እቲ ኮሚሽን ኣብ መንጎ’ቶም ስደተኛታት ተረኺቡ ዳህሳስን ትዕዝብትን ከካይድን፣ እቶም ስደተኛታት ድማ በቲ ዝወጸ ውዕል መሰረት ይእለዩ ምህላዎም ከረጋግጻ ከፍቅዳ

  2. ዓንቀጽ 36 ድማ፣ካብ መትከላት ናይቲ ኮሚሽን ከይወጻ፣ ምስ ፍሉይ ኩነታት ናይ ሃገረን ኣዛሚደን፣ ንኣተገባብርኡ ዝምልከት ውሽጣዊ ሕግታት ከውጽኣ፣ ነቲ ዘውጽአኦ ሕግታት ድማ ንዋና ጸሓፊ ውድብ ሕቡራት ሃገራት ከፍልጣ

  3. እቲ ስደተኛ ንመሰሉ እትጣበቕ ሃገር ስለ ዘይብሉ (ካብ መበቆል ዓዱ ስለዝወጸ) ኣብ መንጎ’ታ እተዕቁብ ሃገርን መበቆል ሃገር ናይቲ ስደተኛን ዝህሉ ስምምዓትን ካልእን ነቲ ስደተኛ ከም ዘይምልከቶ  …  ይገልጽ

  ሕጊ ዕቕበኛታት (Refugee Law) እምበኣር ናብቲ ሓፈሻዊ ሕጊ ሰብኣዊ መሰላት ዝቐረበ፣ ግን ከኣ ካብኡ ኣዝዩ ዝነጸረ፣ ድሕነትን ውሕስነትን ዑቕባ ናይ ዝሓቱ ሰባት ንምሕላው ዝወጸ ኣህጉራዊ ሕጊ ኢዩ። ብኣገላልጻ ናይዚ ኣህጉራዊ ሕጊ እዚ ድማ ዑቕበኛ (Refugee) ዝበሃል፣ ካብቲ ተወሊዱ ዝዓበየሉ ሃገር ዝወጸ፣ ብሰንኪ ዘለዎ ናይ ሃይማኖት፣ ዓሌት፣ ብሀር፣ ፍልይ ዝበለ ፖሊቲካዊ ኣረኣእያ ወይ ኣባል ናይ ገለ ማሕበራዊ ጉጅለ ብምዃኑ፣ ኣብ ውሽጢ ሃገሩ ክነብር ዘይከኣለ፣ ወይ ድማ ኣቐዲሙ ወጺኡ ዝነበረ’ሞ ብምኽንያት ፍርሒ ናብ ሃገሩ ተመሊሱ ክነብር ዘይከኣለ ወይ ዘይደለየ ሰብ ኢዩ።

  ገለ ካብ ቀንዲ መትከላቱ ድማ፦

  ዓንቀጽ 4፦ ማዕረ ዜጋታት ናይታ ሃገር ትሕቲ ዕድመ ቖልዑ ምሉእ ኣገልግሎት ትምህርቲ ክረኽቡ

  ዓንቀድ 22፦ እቲ ዝወሃብ ትምህርቲ ክሳብ ዲፕሎማን ዲግርን ዝበጽሕ ምዃኑ

  ዓንቀጽ 14፦ ኩሉ ፖለቲካዊ ፍርሒ ዘለዎ ሰብ፣ ኣብተን ዘዕቁብኦ ሃገራት፣ ምሉእ ብምሉእ መሰሉ ተሓልዩ፣ ካብ ስቓይን ፍርሕን ነጻ ኮይኑ ክነብር። ብመሰረት እቲ ስምምዕ፣ ብሓገዝ እተን ኣዕቆብቲ ሃገራትን ብተዓዛብነት ው.ሕ ሃገራትን፣ እቲ ዑቕባ ዝሓትት ሰብ፣ ውሕስነት ኣብ ዘለዎ ቦታን፣ ውሑስ ብዝኾነ መንገድን ክነብር ይጽውዕ።
  ዓንቀጽ 17፦ እቶም ስደተኛታት ልክዕ ከም ዜጋታት ናይታ ሃገር ኣብ ናይ ስራሕ ዓለም ክዋፈሩን ኣታዊታቶም ከኻዕብቱን

  ዓንቀጽ 18፦ ብውልቆም ኣብ ናይ ንግዲ ዓለምን ሸቐጥን ከዋፈሩ ፍቓድ ክወሃቦም

  ዓንቀጽ 26፦ ንንግዲ፣ ንስራሕ ይኹን ንኻልእ ጉዳዮም ኣብ ውሽጢ’ታ ሃገር ብነጻ ክንቀሳቐሱ ፍቑድ ክኸውን

  ዓንቀጽ 27፦ ወረቐት መንነት ክወሃቡ፣

  ዓንቀጽ 28 – ካብን ናብን ሃገራት ዝገሽሉ ወረቓቕቲ (Travel document) ክሕዙ ከፍቅዳ፣

  ዓንቀጽ 29፦ ልዕሊ ዜጋታት ናይታ ሃገር ግብርን ቀረጽን ከይስለዓሎም
  ንቀጽ 30፦ንብረቶም ካብን ናብን ሃገራት ከሰጋግሩ ከፍቅዳ፣
  ዓንቀጻት 31ን 33ን ሰባት ካብ ናይ ሞት ፍርሒ፣ ጭካነ፣ ውርደትን ሰብኣውነት ዝጎደሎ መግረፍትን ድሒኖም ብነጻ ክነብሩ ይጽውዕ። ከይትሳቐ ምፍራሕን ዘይውሑስ ሓለዋን ንባዕሎም ኣብ ዓንቀጻት ናይቲ ውዕል እትዋት ኢዮም።

  ዓንቀጽ 34፦ ዜግነት ክወሃቦም ከፍቅዳን፣ ነቲ ዜግነት ናይ ምሃብ ስራሕ ከቀላጥፈኦን

  ቀንዲ ሕመረትን ዕላማን ናይ ዑቕባ እምበኣር፣ ኣብ ስደት ንዝርከቡ ሰባት ካብ ስቓይን ራዕድን ንምድሓን ኢዩ።

  ብዘይካ‘ዚ እቶም ስደተኛታት ኩሉ’ቲ ንቤት ፍርዲ ዝምልከት ወጻኢታት ብነጻ ክሳለጠሎምን ኣብ ኣብያተ-ፍርዲ ትሕጃ ከትሕዙ ከይሕተቱን ይጽውዕ። ኮሚሽን ስደተኛታት ው. ሕ. ሃገራት ድማ ኩሉ ዝግበኦም መሰላት ይረኽቡ ምህላዎም ክዕዘብን፣ ኣብ ኣተገባብራን ትርጓሜን ናይቲ ዓንቀጻት ይተሓጋገዝን።

  ኤርትራውያን ስደተኛታት ኣብ ኢትዮጵያ

  ካብዚ ሓፈሻዊ ኣህጉራዊ ውዕላት ተበጊሰ፣ ናብቲ ካብ ኢትዮጵያ ዝሰማዕኩዎ ድምጺ ክምለስ። ድሕሪ’ቲ ዓለም ምሉእ ዘሰምበደ ትራጀዲ ደሴት ላምፐዱዛ፣ ኣብ ኢትዮጵያ ተዓቒቦም ካብ ዘለዉ ኤርትራውያን ስደተኛታት’ውን ዘሰክፍ ድምጺ ሰሚዕና። ነቲ ብመራኸቢ ብዙሃን ማለት ብድምጺ ኣመሪካ (voa) ረድዮ ኤረና፣ ሬድዮ ወጋሕታ፣ መስከረም ኔት ክዝርጋሕ ዝቐነየ ድምጾም’ውን ብጽሞና ተኸታቲለዮ። ነቲ ብተንቀሳቓሲ ፊልም (video) ተቐሪጹ ዝተዘርገሐ፣ ቆልዓ ሰበይቲ ዝበዝሕዎ ከባቢ ሓደ ሽሕ ዝግምገም ህዝቢ ዝተኣከቦ፣ ድምጾም ዘስምዑሉ ሰላማዊ ሰልፊ’ውን ደጋጊመ ርእየዮ። ኣብቲ ሰልፊ ሓደ ነብሱ ጽምእ ዝበለ መንእሰይ መጉልሒ ድምጺ (microphone) ሒዙ፣ ‘ድምጺ ናይ ኩልና ኢዩ’ ንዝበሎ ኣብ ቅድሚ’ቲ እኩብ ህዝቢ ክጭርሕን እቲ ህዝቢ’ውን ደድሕሪኡ ክደግም ተዓዚብና።

  እተን ብመልክዕ ጭርሖ ንመንግስቲ ኢትዮጵያን ንማሕበረ-ሰብ ዓለምን ዘቕረቡወን ጥርዓናት እዘን ዝስዕባ ነይረን፦

  • ስቕታ ማሕበረ-ሰብ ዓለም ይኣክል!

  • ሕቶና ሕቶ ስደተኛታት ኢዩ!

  • ድሕነትን ሓለዋን ይገበረልና!

  • ኣብዚ ዘለናዮ መዓስከር ዝግበር ምንቅስቓስ ሕጋውን ወግዓውን ይኹን!

  • መሰል ዝኾነ ስደተኛ ይከበር!

  • UNHCR ስማዊ’ምበር ዝግባእ ኣገልግሎት የብሉን!

  • ዘይሕጋዊ ምጭዋይ ደው ይበል!

  • ወታደራዊ ትካል ከማሓድረና የብሉን!

  • ላዕለዎት ሓለፍቲ UNHCRን ኣራን ኣብ መንጎና ተረኺቦም ጉዳይና ፍታሕ ይግበርሉ!

  • ኢትዮጵያዊ ዝሃረሞ ስደተኛ ብUNHCR ተቐባልነት የብሉን – እዚ ድማ ድርብ ወጽዓ ኢዩ!

  • ሕጊ UNHCR ንህዝቢ ይነበብ!

  • መሰል ደቂ- ኣንስትዮ ይከበር!

  • መሰል ሕጻናት ይከበር!

  • ኣራ (ትካል ስደተኛታትን ተመለስትን) ሕጋዊ ሓለዋ ክገብረልና ኣለዎ!

  • ጉዳይና ብማስመድያ ይሰማዕ!

  • ተስፋ ዘይብሉ ጉዕዞ ክሳብ መዓስ!

  • ጥፍኣት ኤርትራውያን ክሳብ መዓስ!

  • ኣብዚ መዓስከር ካርድ ሒዞም ዘለዉ ኢትዮጵያውያን ይውጽኡ!

                    … ክብሉ ድምጾም ኣስሚዕም።

  ድምጺ ኣመሪካ ኣብቲ ብሰኑይ ዕለት 7 ጥቅምቲ ዝዘርግሓቶ ዜና’ውን፣ እቶም ሰልፈኛታት ናብቲ ኣብ መቐለ ዝርከብ ወኪል ድምጺ ኣመሪካ (voa) ደዊሎም እናኣዘራረብዎ ከለዉ፣ ናይ ተኹሲ ድምጽን ኣውያት ቆልዓ-ሰበይትን ተኸታቲሉ ይስማዕ። ናይ ተኹሲ ድምጽን ኣውያትን ዝሰምዐ ህዝቢ ክብተንን ክሕባእን ከም ዝኾነ ርዱእ ይመስለኒ።

  ኣብ ካልኣይ ክፋል ድማ ድሕሪ’ቲ ፍጻሜ ኣብ መዓስከራት ማይ-ዓይንን ዓዲ-ሓሪሽን ካብ ዘለዉ ስደተኛታት ብተለፎን ዝገበርዎ ብማስ-ሚድያ ዝተዘርግሐ ጽማቑ ቃለ-መጠይቕን፣ ንዕኡ ስዒቡ ዝመጽእ ርእይቶን ክገልጽ ኢየ።

  ….. ኣብ ካልኣይን ናይ መወዳእታን ክፋል የራኽበና

  Share This Post

Ethiopian Authorities Shoot at Refugees at Mai Ayni and Adiharush

ኣብ ማይ ዓይኒ ዝጀመረ ተቓውሞ ኤርትራውያን ስደተኛታት ናብ ዓዲ ሓሩሽ’ውን ልሒሙ

https://www.facebook.com/resoum.kidane/posts/741033575922035

ኤርትራውያን ተዓቝቦምሉ ኣብ ዝርከብ መዓስከረ ስደተኛታት ማይዓይኒ ዝጀመረ ሰልፊ ናብ መዓስከር ዓዲ ሓሩሽ’ውን ከምዝልሓመ ምንጭታት ሬድዮ ኤረና ካብቲ መዓስከር ኣረጋጊጾም።



እቲ ሎሚ ንግሆ ኣብ መዕእስከር ዓዱ ሓርሽ ዝጀመረ ናይ ተቓውሞ ሰልፊ ኤርትራውያን ስደተኛታት፣ ፖሊስ ኢትዮጵያ ብዝኸፈትዎ ተዅሲ ብውሕዱ ሓደ ሰብ ክቕተል እንከሎ ሓያሎ ድማ ከምዝቖሰሉ ተፈሊጡ።

እቲ ብቅድሚ ትማሊ ምሸት ኣብ ማይ ዓይኒ ዝጀመረ ተቓውሞ ብመጠኑ ሃዲኡ እኳ እንተሎ፣ ነቶም ኤርትራውያን ጉዳዮም ዝሰምዕ ንስደተኛታት ዝከታተል ኣካል መንግስቲ ማለት ኣራን ወከልቲ UNHCRን ዘዕግብ መልሲ እንተዘይህቦሞም እቲ ተቓውሞ ክቕጽልዎ ምዃኖም ሓቢሮም ኣለው።

ኣብ መዓስከር ስደተኛታት ማይ ዓይኒ ትማሊ ኣብ ዝተኻየደ ሰልፊ፣ ፖሊስ ኢትዮጵያ ብዝኸፈትሎም ተዅሲ ሓሙሽተ ቆልዑን ከምዘቐትሉን ሓያሎ ድማ ከምዝቖሰሉን ኣብ ናይ ትማሊ ጸብጻብ ሬድዮ ኤረና ተቓሊሑ’ዩ።

እቶም ኣብ መዓስከራት ኢትዮጵያ ዝርከቡ ኤርትራውያን፣ መሰላቶም ክሕሎ፣ ብስም ኤርትራውያን ናይ ስደተኛታት ካርድ ሒዞም ዘለዉ ኢትዮጵያይውን ካብቲ መዓስከር ክወጹ፣ ኣብቲ መዓስከር ዝፍጸም ዘሎ ገበናት መግትኢ ክግበረሉ፣ ድሕነት ኤርትራውያን ስደተኛታት ክሕሎ ዝብል ካልእ ጉዳያትን ኣልዒሎም’ዮም ሰለማዊ ሰልፊ ኣካይዶም።

እቲ ሰለማዊ ሰልፊ ብምኽንያት ዝኽሪ ናይቶም ኣብ ማእከላይ ባሕሪ ዝሞቱ ኣስታት 130 ኤርትራውያን ስደተኛታት ዝተወደበ ኮይኑ፣ ኣብ መዓስከራት ኢትዮጵያ ዘሎ ጭውያን መሸጣን ከምኡ ድማ ምስግጋርን ስደተኛታት ሓደ ካብቲ ንመዓስከራት ውሑስ ዘይግበሮ ነጥቢ ምዃኑ’ውን ኣስሚሮም።

ኣብ ኢትዮጵያ ኣብ መዕእስከራት ሽመልባ፣ ማይ ዓይኒ፣ ዓዲ ሓሩሽን ሰመራን ከምኡ ድማ ኣብ ከተማ ኣዲስ ኣበባ ብሓፈሻ ልዕሊ 65 ሽሕ ኤርትራውያን ከምእተዓቕቡ ዝፍለጥ ኮይኑ፣ ሓይሎ ካብኣቶም ነቲ መዓስከራት እናራሕርሑ ናብ ሊብያን ግብጺን ብምስጋር ብመንገዲ ሲናይ ናብ እስራኤል ከምኡ ድማ ብማእከላይ ባሕሪ ናብ ሃገራት ኤውሮጳ ንምእታዉ ከምዝፍትኑ ዝፍለጥ’ዩ።

==================================

ኣብ ላምፐዱዛ ኣብ ልዕሊ ኣማኢት ኤርትራውያን ዘጋጠመ መቕዘፍቲ ዘስዓቦ ሓዘንን ሕርቃንን ኤርትራውያን ኣብ መዓስከራት ስደተኛታት ኢትዮጵያ ናብ ናዕቢ ከምዝተሰጋገረ ምንጭታት ካብቲ ቦታ ሓቢሮም።

እቲ ኣብ ዚ ዝሓለፈ ክልተ መዓልቲ ኣብ መዓስከር ማይ ዓይኒ ኣብ ሞንጎ ኤርትራውያን ስደተኛታትን ፖሊስን ዝተወለዐ ግርጭት ሎሚ ንግሆ ናብ መዓስከር ዓድሓሩሽ ብምቅጻል ኣብ ዘከፍአ ደረጃ ከም ዝበጽሐ ይግልጽ ኣሎ፤፤ ክሳብ ሕጂ 2 ሰባት ከም ዘተቀትሉን ካልኦት ከባቢ 10 ዝኮኑ ከም ዘቆሰሉነ እቲ ሓበሬታ ወሲኹ ኣረዲኡ፤፤በቲ ትማልን ቅድሚ ትማልን ዝተወለዐ ግርጭት ኣብ ከቢድ ሻቅሎት ዝነበሩ ዜጋታትና ሎሚ ንግሆ ካብ ሓለፍቲ UNCR ምስ ወከልቲ እቲ መዓስከር ዘኮኑ ክራከቡ ተስፋ እካ እንት ነበረ ኣብ ውሽጢ ሰዓት ዘይመልእ ግን ኩነታት ተቀይሩ ዕግርግር ከም ዘተፈጥረ ይሕበር ኣሎ፤፤ ይኩን እምበር ኣብዚ ሕጂ ሰዓት ኩሉ ከካብ ገዘኡ ንኸይወጽእ ተከልኪሉ ከም ዘሎ እዮም ዝሕብሩ ዘለዉ፤፤እቶም ዜጋታት ብተወሳኺ ብመሰረት እዚ ክወጽእ ዝጸንሐ ሓበሬታ ዝኮነ ይኩን ድምፆም ከቃልሕን ሽገሮም ክሓቶም ዝከኣል ዝኮነ ይኩን ኤርትራዊ ማሕበር ይኹን ውልቀ ሰብ ብዘይምህላዉ ዝተሰመዖም ሓዘን ይገልፁ ኣለው፤፤ ሰለዚ ኩላትና ኤርትራዊያን ነዚ ኣብ ልዕሊ ዜጋታትና ዝወረደ በደል ብዘይ ወዓል ሕደር ድምፅና ከነሰምዕን ክንኩንኖን ዝምለከቶም ኣካላት ድማ ክለጡፍ ግበረ መልሲ ብምሃብ ኣብ ጎኒ ኣሕዋትናን ብጾትናን ከም ዘሎና ክነፍጥ ለበዋና ነቅርብ፤፤ ንዝተረፈ ምዕባልታት ክነስዕበልኩም ምኻና ክንሕብረኩም ንፍቱ ፤፤please help them by share it !!!!!!!

https://www.facebook.com/wedimaygolgol/posts/538121652930123

የኤርትራ ስደተኞች በትግራይ ተቃውሞ አነሱ ! «በኢትዮጵያ ደህንነቶች አንተዳደርም»

«በኢትዮጵያ ደህንነቶች አንተዳደርም» የሻዕቢያን አስተዳደር በመሸሽ ወደ ኢትዮጵያ የተሰደዱ የኤርትራ ተወላጆች «በኢትዮጵያ ደህንነቶች ስር አንተዳደርም» በሚል የተቃውሞ ድምጻቸውን በማሰማታቸው ግጭት መነሳቱ ተሰማ። የስደተኛ ካምፑ አስተዳደሮች « ሻዕቢያ ያሰረጋቸው ሰላዬች እንጂ እውነተኛ ስደተኞች ይህንን ጥያቄ አያነሱም» ማለታቸውን ከስፍራው ከነበሩ ለመረዳት ተችሏል።

ኦክቶበር 5 ቀን 2013 ማምሻውን በትግራይ ማይኒ ቀበሌ «ማይኒ የስደተኞች መጠለያ ጣቢያ ውስጥ የተቀሰቀሰው ረብሻ ሲነሳ ስደተኞቹ ያሰሙት ቅሬታ» በወታደሮች አንተዳደርም፣ «የካምፑ ሰራተኞች በሙሉ ኢትዮጵያዊ ናቸው፣ የደህንነት ሰራተኞች ሊያስተዳድሩን አይገባም… »የሚሉ ሲሆኑ የጥያቄያቸው መደምደሚያ «በስደተኞች ድርጅት ዩ.ኤን.ኤስ.አር ሰራተኞች
እንተዳደር» የሚል ነው። በተጠቀሰው ቀን ምሽት በጣሊያን ውሃ ላይ ሰጥመው ለሞቱ የኤርትራ ተወላጆች የሃዘን ስሜት ለማንጸባረቅ በተዘጋጀ የሻማ ማብራት ስነ ስርዓት ላይ ረብሻው እንደተነሳ የገለጹት የስፍራው የጎልጉል ምንጭ፣ ረብሻውን ተከትሎ ድንጋይና የተለያዩ ቁስቁሶች መወርወራቸውን አመልክተዋል።

ረብሻውን ለማስቆም ታጣቂ የወታደሮች ተኩስ መክፈታቸውን የገለጹት ክፍሎች አራት ስደተኞች መቁሰላቸውን ተናግረዋል። ረብሻው እስኪነጋጋ ድረስ መቀጠሉንም ጠቁመዋል። ይህ ዜና እስከተጠናከረበት ጊዜ ድረስ ረብሻው ስለመቆሙ የተባለ ነገር የለም። የዜናው ምንጮች በካምፑ አስተዳደሮች በኩል ስለሚሰጠው ምላሽ ተጠይቀው «ሻዕቢያን አምልጠው ስደት ካምፕ በሰላም የደረሱ ስደተኞች በምንም መልኩ ተቃውሞ ሊያነሱ
አይችሉም። ስደተኛ መስለው የተቀላቀሉ የሻዕቢያ የደህንነት ሰራቶች ናቸው ይህንን የሚያደርጉት» ሲሉ መስማታቸውን ተናግረዋል።

ከተባበሩት የስደተኞች ኮሚሽን በስደተኞች ስም የሚገባው ከፍተኛ ገንዘብ ይዘረፋል በሚል ውስጥ ውስጡን ቅሬታ እንደሚደመጥ የጠቆሙት እነዚህ ክፍሎች፣ ገንዘብን አስመልክቶ ስደተኞች ከሚያሰሙት ቅሬታ በላይ ኢህአዴግና ለስደተኞች የሚላከው ገንዘብ መጠን እንዳሳሰበው ያስረዳሉ። ስደተኞቹ የባንክ አገልግሎት ተጠቃሚ በመሆናቸው ከተለያዩ አቅጣጫዎች የሚረዱዋቸው ወገኖቻቸው በባንክ የሚልኩላቸው ገንዘብ መብዛቱ ኢህአዴግን እንዳስጨነቀው ስለ አሰራሩ የሚያውቁ ክፍሎች አስረድተዋል። ከፍተኛ መጠን ያለው ብር ወደ ስደት ካምፖች የሚላከው «በትክክል ከዘመድ አዝማድ ወይስ ከሌላ?» የሚለውን ኢህአዴግ ማጥናት ከጀመረ መቆየቱን አመልክተዋል።

በማይኒ ካምፕ ብቻ ከ4000 በላይ ስደተኞች እንደሚገኙ የሚገልጹት ምንጮች አብዛኞቹ የአስተዳደር ሰራተኞች የኤርትራ ዜግነት ያላቸው የኢህአዴግ ወዳጆች እንደሆኑ ቢገለጽም ስደተኞቹ ሊቀበሉት አልቻሉም። ተናሳ የተባለው ረብሻ በኢህአዴግና በ ሻዕቢያ መካከል ያለው ውጥረት በተካረረበት ወቅት መሆኑ ጉዳዩን እንዳያወሳስበው ስጋት አለ።

አስተያየት ሰጪዎች አንደሚሉት ስደተኞቹ ኢትዮጵያ ምድር ቢገኙም የሚተዳደሩት በዓለም የስደተኞች ድርጅት ስር በመሆኑ ያለመሰለል መብታቸው የተጠበቀ ነው። እንደተባለው እየተሰለሉ ከሆነ አግባብ አይደለም ድርጊቱን ድርጅቱ ራሱ ያወግዘዋል ብለዋል። በሌላ በኩል ግን የስደት ከለላ የሰጠችውን አገር ደህንነት በሚፈታተን መልኩ መንቀሳቀስ ሌላው ትልቁ የህግ ጥሰትይሆናል ሲሉ ተናግረዋል። ዜናውን አስመልክቶ ከኢህአዴግ ወገን እስካሁን የተባለ ነገር የለም። በኢትዮጵያ በተለያዩ የስደተኞች ካምፕና በአዲስ አበባ በመቶ ሺህ የሚቆጠሩ የኤርትራ ተወላጆች መኖራቸው ይታወቃል።

ከጎልጉል የድረገጽ ጋዜጣ

posted by Aseged Tamene[http://freedom4ethiopian.wordpress.com/2013/10/07/789-2/]

Dear Friend ‘Had You Not Push Me, I Would Not Have Fallen Flat on the Ground”

ፍትሒ ንኤርትራውያን ጋዜጠኛታት ተስፋልደት ኪዳነን ሳልሕ ኢድሪስ ገማን