Posted on February 11, 2012 by assenna

ኣብ ጉዕዞ ንስደት እናሃለዉ፡ ብወተሃደራት ግብጺ ኣብ ሓውሲ ደሴት ሲናይ ተታሒዞም ኣብ ቤትማእሰርቲ ዝሳቐዩ ዝነበሩ’ሞ ናብ ኤርትራ ብሓይሊ ናይ ምምላስ ሓደጋ ከንጸላልዎም ዝጸንሐ፡ 42 ኤርትራውያን ስደተኛታት፡ ብምትሕብባር ኤምባሲ ኢትዮጵያ ኣብ ግብጺ፡ ናብ ኢትዮጵያ ከምዝኸዱ ምንጭታት ሓቢሮም።

ውልቀምልካዊ ስርዓት ህግደፍ፡ ካብ ስደት ብግዴታ ንምዝለሱ ኤርትራውያን ናይ ምእሳርን ምስቓይን ኣመል ስለዘለዎ፡ ኣብዚ እዋን’ዚ፡ ኤርትራውያን ስደተኛታት ናብ ኤርትራ ካብ ዝምለሱ ናብ ካልኦት ሃገራት፡ ብፍላይ ድማ ናብ ኢትዮጵያ ከይዶም ክዕቆቡ እዮም ዝመርጹ።

መንግስቲ ኢትዮጵያ፡ ኣብ ግብጺ ይኹን ካልኦት ሃገራት ኣፍሪቃ፡ ኣብ ከምዚ ዝኣመሰለ ደልሃመት ንዝኣተዉ ኣማኢት ኤርትራውያን ተቐቢሉ የዕቁቦም ምህላዉ ኸኣ ይፍለጥ።